О́zin bilimge arnaǵan jandar

Muǵalimderdiń ózderin beınerolık arqyly tanys­tyrý dodasy eki aıǵa sozylyp, Instagram jelisinde myńdaǵan jankúıerdiń qol­daýyna ıe boldy. Edu Stream kompanııasynyń demeýshiligimen ótken jeńim­pazdardy marapattaý rásimi EduStream KZ-tiń Youtube arnasynda onlaın formatta ótti.

Elimizdiń túkpir-túkpi­rinen júzge jýyq pedagog qatysqan baıqaýda ási­rese, Mańǵystaý oblysy muǵa­limderiniń belsendiligi kóp­shilikti tánti etti. Úıde – ke­lin, noýtbýk basynda – us­­taz, beınerolıkte ınsta-jul­­dyz bolǵan ardaqty us­tazdar ózderin barlyq qy­rynan besaspap ári sheber ekendikterin pash etti. Baı­qaýǵa qatysýshylardyń óne­ri eki sanatta baǵalandy: «K­órer­men kózaıymy» bolyp, Instagram jelisinde eń kóp laık pen pikir jınaǵandar jáne «Qazylar alqasynyń daý­symen» eń joǵary ballǵa ıe bolǵandar.

Edu Stream oqý orta­ly­ǵy men brıtandyq Express Publishing baspasy uıym­dastyrǵan báıgeniń maqsaty otandyq ustazdardy bıylǵy pandemııa kezinde jan-jaq­ty qoldaý. Jáne baıqaý ná­tıjesiniń olardyń kásibı tól merekesimen tus­pa-tus kelýiniń ózi de kezdeı­soq emes.

– Ustaz degen ardaqty mamandyqtyń qanshalyqty mańyzdy ekenine bıylǵy jyl kózimizdi aıqyn jetkizdi. Biz bul arqyly keleshek urpaqtyń sanasyna bilim dánin seýip, jaryq kúnge umtyldyrǵan asyl jandardyń mártebesin kóterýdi, sál de bolsa olardyń kásibı baǵytyna laıyq paıdaly aqparat berýdi kózdedik. Sol sebepti jeńimpazdardy marapattaý tusynda tanymal jýrnalıst ári bloger Polına Shımanskaıa, medıa-trener ári PR mamany Saltanat Áskerbekqyzy jáne rejısser ári vızýaldyq kontent sheberi Mádına Ádbirashıtova syndy óz isiniń sheberlerin shaqyryp, ustazdarǵa ózderin ekranda ustaý, onlaın sabaqta balanyń nazaryn ózine aýdara bilý sııaqty óte paıdaly keńester men laıfhaktar berdik. Edu Stream kompanııasy Bilim jáne ǵylym mı­nıstrliginiń ustazdar már­tebesine asa den qoıyp otyr­ǵanyn qýana quptaıdy, – deıdi Edu Stream oqý or­talyǵynyń bas dırektory Natalıa Muhamedjanova.

Ustazdardyń kreatıvinde shek bolǵan joq. Bireýi aqyn­­dyǵyn pash etip, ózin aǵyl­shynsha óleńmen tanys­tyr­sa, ekinshisi shaǵyn derekti fılm, úshinshisi ázil-shyny aralas beınebaıan túsirgen. Barlyq jumystar jan-jaq­­ty izdenisti ańǵartady. Qaz­ylar alqasynyń músheleri qatysýshylar belsendiliginen sala mamandarynyń qansha­lyqty óz kásipterin jaqsy kó­­retinin jáne kez kelgen qıyn­dyqty jeńip shyǵýǵa daıyn ekendikterin baıqaýǵa bolatynyn aıtty. Olardyń quramynda ata-analar qa­ýym­das­tyǵynyń bedeldi ókilderi, tanymal telejýrnalıster, blo­gerler, rejısserlar men uıymdastyrýshy kompanııa ókilderi boldy.

Baıqaý nátıjesinde «Kó­rer­­­men kózaıymy» ata­­nyp, Edu Stream oqý or­ta­­­ly­ǵynyń Instagram paraq­shasynda eń kóp laık jáne pikir jınaǵan jeńimpazdarǵa syı-qurmet kórsetildi. «Pozıtıvte – kó­ńildi ustaz» atalymy boıynsha Gúlaıym Bilálqyzy oza shapsa, «Ekran juldyzy – kreatıvti pedagog» nomınasııasynda Abaı Túzelbaı jeńimpaz atandy. Symbat Omarova «Basty nazarda – jarqyraǵan pedagog», Aı­nur Baspaeva «Pedagog-trans­former – pedagogıka su­lýy» atalymdaryn jeńip al­dy. «Kórermen kózaıymy» sana­tyndaǵy Bas júlde Gaýhar Qalıevaǵa buıyrdy. Al «Qa­zy­lar alqasynyń daýsy» sanatynda Gúlnár Qoıshybaeva («Pozıtıvte – kóńildi ustaz»), Jansaıa Baıanova («Ekran jul­dyzy – kreatıvti pedagog»), Gúlbaný Júnisbekova («Bas­ty nazarda – jarqyraǵan pedagog»), Saltanat Ospanova («Pedagog-transformer – pedagogıka sulýy») jeńimpaz atan­dy. «Qazylar alqasynyń daýsy» sanaty boıynsha Bas júldege Stepnogorsk qala­synyń tórt birdeı ustazy – Eka­terına Akımova, Oksana Bash­lykova, Lılııa Rýdskaıa men Gýzal Halıtova laıyq dep tabyldy.

Edu Stream oqý orta­lyǵy men brıtandyq Express Publishing baspasy qatysý­shylar men baıqaýdy ótkizý­ge atsalysqan ustazdar qaýy­myna alǵysyn bildirdi. Je­ńim­pazdarǵa jeńisin rastaıtyn jeke sertıfıkattar men baǵaly syılyqtary jet­kizilip, tabystaldy.