Nur-Sultanda qurylys, saýda, tamaqtaný jáne densaýlyq salasyndaǵy mamanadyqtarǵa suranys kóp, dep habarlaıdy qala ákimdiginiń resmı saıty.
Ásirese, jumysshylarǵa, júk kóligi júrgizýshileri men montajshylarǵa suranys joǵary.
Atap aıtqanda, qurylys salasynda prorab, sheber, tas qalaýshy, armatýrashy, ınjener-smetashy, betonshy, TQU ınjeneri, ártúrli jumys isteýshi jumysshylar qajet bolsa, saýda salasynda satýshy, kassır, menedjer, sýpervaızer, merchendaızer kadrlardyń tapshylyǵy baıqalady.
Densaýlyq saqtaý salasynda dáriger, medbıke, sanıtarlardyń jetispeýshiligi bar bolsa, tamaqtaný boıynsha túrli taǵamdar sehyna aspaz, as-úı qyzmetkeri, naýbaıshy, kondıterlerdiń qajetigi joǵary.
Búgingi, ıaǵnı 7 qazan kúngi jaıdaı boıynsha, «Nur-sultan qalasy Halyqty jumyspen qamtý ortalyǵy» MKK «Elektrondyq eńbek bırjasy» portalynda suranysqa ıe 1678 bos oryn jarııalandy. 653 jumys berýshiden 5 712 bos jumys orny tirkelgen. Onyń ishinde 313-i – múmkindigi shekteýli azamattarǵa arnalǵan vakansııa.
Sondaı-aq ıkemdi jumys kestesi bar 89 jumys orny tirkelgen. Jastarǵa arnalǵan bos oryndar – 1315, probasııa qyzmetinde esepte turǵan azamattarǵa 10 kásiporynǵa 394 bos jumys orny berilgen.
2 085 adam 100 000 teńge kóleminde jalaqy alsa, 2 090 adamǵa 150 000 teńgege deıin eńbekaqy taǵaıyndalǵan, al 1 537 adamnyń jalqysy 150 000 teńgeden asady.Aıta ketsek, elordalyq jumyspen qamtý ortalyǵy «Jumyspen qamtý jol kartasy» jáne «Eńbek» memlekettik baǵdarlamasy aıasynda «Jastar tájirıbesi», «Áleýmettik jumys oryndary» jáne «Qoǵamdyq jumystar» boıynsha bos jumys oryndaryn usynady.
Barlyq qosymsha aqparatty Halyqty jumyspen qamtý ortalyǵynyń cz.astana.kz resmı saıtynan jáne áleýmettik jelilerden tabýǵa bolady.