Jyl sońyna deıin Nur-Sultan mektepterinde 4 752 beınebaqylaý kamerasyn ornatý josparlanýda. Bul týraly brıfıngte Nur-Sultan qalalyq sıfrlandyrý jáne memlekettik qyzmetter basqarmasynyń bólim basshysy Danııal Aıtkenov málim etti, dep habarlaıdy Egemen.kz.
"Tolyq beınebaqylaýmen qamtamasyz etý úshin qazirgi ýaqytta mektepterde kameralar ornatý jumystary júrgizilýde. Jyl sońyna deıin 4 752 kameramen jabdyqtaýdy josparlap otyrmyz. Osylaısha, elordadaǵy mektepter 100% beınebaqylaýmen qamtylady", - dedi Danııal Aıtkenov.
Onyń aıtýynsha, búgingi tańda oqý oryndary kompıýterlik tehnıkamen jáne ınternet jelisimen tolyq jabdyqtalǵan. Sondaı-aq onda robototehnıka kabınetteri men STEM-zerthanalar ashyldy. Sonymen qatar mektep ashanalarynda qolma-qol aqshasyz tólem engizildi, sonyń arqasynda ata-analar balalarynyń tamaqtanýyn baqylaı alady.
Oqýshylardyń múmkindigin ashý úshin elordada jyl saıyn tehnıkalyq bilim berý salasyndaǵy barlyq sońǵy jetistikterdi qamtıtyn ǵylymı-bilim berý STEM-olımpıadalary ótkiziledi. Olımpıada ınjenerııa, baǵdarlamalaý, robototehnıka jáne 3D-modeldeý sııaqty ǵylymdardan turady.