Amerıkanyń Ostın qalasynan kelgen 17 jastaǵy Maka Karrınniń aıaǵy álem boıynsha eń uzyn dep tanyldy, dep habarlaıdy Egemen.kz "Habar 24" saıtyna silteme jasap.
Onyń sol aıaǵynyń uzyndyǵy – 135,3 sm, al oń aıaǵy – 134,3 sm. Qyz tipti 2021 jylǵy Gınnestiń rekordtar kitabyna engen. Ol týraly Sıýjet Guinness World Records resmı YouTube arnasynda jaryq kórdi. Rekordshy únemi birqatar qolaısyzdyqtarǵa tap bolady: oǵan qolaıly mólsherde kıim tańdaý, esikten ótý, kólikke otyrý óte qıyn. Degenmen, uzyn aıaqtar oǵan synyptastarymen voleıbol oınaýǵa kómektesedi.
"Joq, olar meni aıaǵym úshin mazaq etpedi... Biraq men basqalardan joǵary bolǵandyqtan, azdap mazaqtady", dep eske alady 208 sm amerıkalyq.
"Orta mektepte basqalardyń men týraly ne oılaıtyny týraly alańdamadym. Sodan keıin maǵan eshteńe áser etpedi", deıdi Maka Karrın.
Maka Karrın uzyn adamdardy ózderiniń tabıǵı derekterin baǵalaý úshin rekord ornatýdy armandady. Erekshe beınesiniń arqasynda ol TikTok beıneservısiniń aýdıtorııasynda tanymal boldy.