Qazaqstannyń Syrtqy ister mınıstri Muhtar Tileýberdi «Globsec» 15-shi halyqaralyq forýmyna qatysý sheńberinde Slovakııanyń syrtqy jáne eýropalyq ister Mınıstri Ivan Korchokpen jáne Qorǵanys mınıstri Iаroslav Nadpen kelissózder júrgizdi.
Taraptar qatynastardyń jańa kezeńinde, onyń ishinde Qazaqstan men Eýropalyq Odaq jáne oǵan múshe memleketter arasyndaǵy Keńeıtilgen áriptestik pen yntymaqtastyq týraly Kelisim sheńberinde seriktestikti odan ári arttyrýǵa jáne keńeıtýge ózara daıyndyǵyn bildirdi.
SIM basshylary BUU men EQYU sheńberindegi ekijaqty jáne kópjaqty trekterdegi saıası dıalogty jáne saýda-ekonomıkalyq yntymaqtastyqty nyǵaıtý joldaryn egjeı-tegjeıli talqylady. Suhbattysýshylar ekonomıkalyq jáne ǵylymı-tehnıkalyq yntymaqtastyq jónindegi Úkimetaralyq komıssııanyń (ÚAK) belsendi jumysyn, eki memleket arasynda Iskerlik keńes qurý jáne bıznes-delegasııalarmen almasý ıdeıasyn qoldaı otyryp, osyndaı ózara is-qımyldyń zor jáne áli tolyq iske asyrylmaǵan áleýetiniń bar ekenin atap ótti. Sonymen qatar, taraptar KazAID jáne SlovakAID damytýǵa kómek agenttikteri arasyndaǵy yntymaqtastyqtyń keleshegin belgiledi.
Qorǵanys mınıstri Iа. Nadpen kezdesýde taraptar tıisti úkimetaralyq kelisim quqyqtyq negizdi qamtamasyz etetin áskerı jáne áskerı-tehnıkalyq yntymaqtastyqty talqylady. Qazaqstandyq bitimgerlerdi daıarlaý salasynda tájirıbe almasý, olardyń BUU aıasynda bitimgershilik operasııalaryna qatysýyn keńeıtý máseleleri qaraldy. Sondaı- aq, qorǵanys vedomstvolary men kompanııalardyń basshylaryna qarý-jaraq pen áskerı tehnıkanyń eki mamandandyrylǵan kórmesine – IDEB 2021 jáne KADEX 2021 qatysýǵa ózara shaqyrý aıtyldy, olar tıisinshe kelesi jyldyń naýryz jáne maýsymynda Bratıslava men Nur-Sultanda ótýi tıis.
Sonymen qatar, Mınıstr M. Tileýberdi Slovakııanyń iri kompanııalarynyń basshylarymen kezdesti, onyń barysynda bıznesmender Qazaqstannyń ınvestısııalyq múmkindikterimen tanysty. Búgingi tańda qazaqstandyq naryqta slovak kapıtalynyń qatysýymen 40-tan astam kásiporyn jumys isteıdi, bul eki eldiń isker toptarynyń ózara qyzyǵýshylyǵynyń mańyzdy ındıkatory bolyp tabylady.
Ekonomıkalyq ózara is-qımyldyń perspektıvti baǵyttary retinde mashına jasaý, qorǵanys ındýstrııasy, ınjınırıng jáne ınfraqurylymdyq damý, agroónerkásiptik keshen, farmasevtıka, ozyq sıfrlyq tehnologııalar jáne olardy Indýstrııa 4.0 qurý prosesinde engizý belgilendi.
Sapar barysynda sharttyq-quqyqtyq bazany jetildirý jáne ÚAK sheshimderin iske asyrý sheńberinde tıisti vedomstvolardyń yntymaqtastyǵy týraly birqatar memorandýmdarǵa qol qoıyldy. Atap aıtqanda, taraptar sý jáne orman sharýashylyǵy salasynda, sondaı-aq týrızm salasynda ózara tıimdi negizde yntymaqtasatyn bolady.
Qazaqstandyq syrtqy saıası vedomstvo basshysynyń Bratıslavaǵa sapary saýda-ekonomıkalyq yntymaqtastyqty damytýdyń jáne saıası dıalogty nyǵaıtýdyń jańa joldaryn birlesip izdeýge múmkindik berip, eki el arasyndaǵy áriptestiktiń jańa kezeńiniń bastalýyn bildirdi.
Eki kún boıy ótken «Globsec» forýmy aıasynda Qazaqstannyń syrtqy saıası vedomstvosynyń basshysy Bolgarııa Premer-Mınıstriniń orynbasary jáne syrtqy ister mınıstri Ekaterına Zaharıevamen, Túrkııanyń Syrtqy ister mınıstri Mevlıýt Chavýshoglýmen jáne Ýkraınanyń Syrtqy ister mınıstriniń birinshi orynbasary Emıne Djaparovamen kelissózder júrgizdi. Sondaı-aq, Mınıstr M. Tileýberdi BUU Lıvan jónindegi Arnaıy úılestirýshisi Iаn Kýbıshpen kezdesip, QR Prezıdenti Q.Toqaevtyń BUU Bas Assambleıasynyń 75-shi sessııasynda jarııalaǵan bastamalaryn talqylady.
Mazmundy kezdesýler barysynda ekijaqty jáne kópjaqty yntymaqtastyqtyń, koronavırýstyq pandemııaǵa birlesken qarsy turýdyń jáne BUU, EQYU, AО́SShK, IYU jáne Túrkitildes memleketterdiń Yntymaqtastyq Keńesi sııaqty halyqaralyq uıymdar sheńberindegi ózara is-qımyldy nyǵaıtýdyń ózekti máseleleri talqylandy.