Qazaqstan Respýblıkasy Syrtqy ister mınıstrligi Qyrǵyz Respýblıkasyndaǵy qazaqstandyq kásiporyndardyń jaǵdaıyna qatysty málimdeme jasady, dep habarlaıdy Egemen.kz SIM baspasóz qyzmetine silteme jasap.
"Qyrǵyz Respýblıkasyndaǵy qazaqstandyq ınvestorlarǵa tıesili birqatar kásiporyndarǵa shabýyldar men olardy basyp alý áreketterine baılanysty úlken alańdaýshylyq bildiremiz.
Kásiporyndardyń Qazaqstan Respýblıkasynyń azamattary bolyp tabylatyn qyzmetkerlerine kúsh jumsaý jáne osy kásiporyndardyń múlkin joıý týraly qaýip-qater kórsetý faktileri erekshe alańdatady.
Qazaqstandyq kompanııalar sońǵy jyldary Qyrǵyzstan ekonomıkasyna 1 mlrd. AQSh dollarynan astam ınvestısııa quıyp, kórshi eldiń áleýmettik-ekonomıkalyq damýyna eleýli úles qosty.
Qyrǵyz tarapyn Qazaqstan azamattarynyń da, Qyrǵyzstan aýmaǵyndaǵy qazaqstandyq kompanııalardyń da qaýipsizdigin qamtamasyz etý boıynsha dereý sharalar qabyldaýǵa shaqyramyz", delingen málimdemede.