Oblystyq ekologııa departamentteriniń jetekshileri ár toqsan saıyn jurtshylyq aldynda óńirlerdiń ekologııalyq problemalaryn sheshýge baǵyttalǵan Jol kartasyndaǵy sharalardyń oryndalýy týraly esep berip otyrýy tıis. Bul týraly Ekologııa, geologııa jáne tabıǵı resýrstar mınıstri Jambyl oblysynyń qoǵam belsendilerimen bolǵan onlaın-kezdesýde aıtty.
Ekologııa mınıstri osyndaı kezdesýlerdi óńirlerdiń turǵyndarymen turaqty túrde ótkizip keledi. Talqylaý nátıjesinde ár oblys nemese qaladaǵy ekologııalyq problemalardy sheshý jónindegi Jol kartasy daıyndalady.
“Oblys ákimderi óńirler jurtshylyǵymen birge ázirlenetin Jol kartalaryna qol qoıǵannan keıin bizdiń oblystyq departament basshylary toqsan saıyn jurtshylyq aldynda esep berip, sondaǵy sharalardyń oryndalýy jóninde turaqty túrde baıandap otyratyndaı jumys formatyna kóshkimiz keledi”,- dedi M. Myrzaǵalıev.
Jol kartasyna engizilgen sharalardyń ishinde óńirlerdegi jasyl jelekti kóbeıtý, qaldyq shyǵaryndylaryn azaıtý, qoǵamdyq kólikterdi gazǵa aýystyrý, atmosferalyq aýanyń sapasy týraly turǵyndardy LED-ekrandar arqyly aqparattandyryp otyrý jáne taǵy basqa josparlar bar.
Búginge deıin Ekologııa mınıstrligi 14 onlaın-kezdesý ótkizip, árqaısysy boıynsha Jol kartasy ázirlendi.