Bank VTB (Qazaqstan) men "Qazaqmys korporasııasy" JShS bekitilgen kredıt jelisi aıasynda kólemi 12 mln AQSh dollary jańa transh bólý týraly kelisimge qol qoıdy, dep habarlaıdy Egemen.kz.
Kásiporyn alǵan qarajatty aınalymdyq qarajatyn tolyqtyrýǵa baǵyttaıtyn bolady.
"Qazaqmys" – Qazaqstandaǵyeń iri mys óndirýshisi ári tabıǵı resýrstardy óndirý jáne óndeý boıynsha jetekshi halyqaralyq kompanııa. Korporasııa mys jáne ózge paıdaly qazbalardy izdestirý, barlaý, óndirý, baıytý, óndeý jáne eksporttaýmen aınalysady. Bank korporasııamen áriptestigin 2019 jyldan bastap áriptestik ornatyp, ashylǵan kredıt jelisi aıasyndaǵy alǵan mólsheri 15 mln dollar alǵashqy transhy kelisim sharttaryna sáıkes ýaqtyly qaıtaryldy.
"Qazaqmys" – Qazaqstandaǵy eń iri jumys berýshilerdiń biri, kompanııa aımaǵymyz úshin strategııalyq mańyzy bar salany damytyp, jańǵyrtýda. Respýblıka ekonomıkasyna aýqymdy oń áserin tıgizetin korporasııa tarapynan júzege asyrylatyn áleýmettik mańyzy bar jobalardy damytýǵa qatysý múmkindigimiz bolǵanyna óte qýanyshtymyn", dedi Bank VTB (Qazaqstan)-nyń basqarma tóraǵasy Dmıtrıı Zabello. – VTB men "Qazaqmys" sekildi qos halyqaralyq toptyń turaqty áriptestigi elimizdiń turaqty damýyna baǵyttalǵan eki uıymnyń aýqymdy maqsattary birdeı ekeniniń zańdy saldary dep oılaımyn.
"Qazaqmys Korporasııasy" JShS-niń joǵary óndiristik jáne ǵylymı-tehnıkalyq áleýeti, qajetti energetıkalyq jáne otyn qorlary, zamanaýı tehnologııalyq ári telekommýnıkasııalyq jelileri men bilikti kadrlary, ıaǵnı, ári qaraı óndiris kólemderin arttyrýǵa qajetti resýrstarynyń barlyǵy bar.
Almaty