Sońǵy eki aptada Soltústik Qazaqstannyń Maǵjan Jumabaev aýdanynda jaman indet tabylýynyń 24 jaǵdaıy tirkeldi. Sonyń ishinde aýdan ortalyǵy Býlaev qalasynda – 15, aýdan aýmaǵyndaǵy eldi mekenderde 9 jaǵdaı bolyp otyr, dep habarlaıdy Egemen.kz.
2020 jylǵy 6 qazandaǵy Soltústik Qazaqstan oblysynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi Soltústik Qazaqstan oblysy ákimdigi janyndaǵy óńirlik komıssııa otyrysynyń hattamasyna sáıkes koronavırýstyq ınfeksııany juqtyrýdyń 3-5 jáne odan da kóp faktileri bolǵan jaǵdaıda aýyldyq eldi mekenderde, 7 jáne odan da kóp juqtyrý faktileri bolǵan jaǵdaıda aýdan ortalyqtarynda karantın rejimi engiziledi.
Soltústik Qazaqstan oblysy Maǵjan Jumabaev aýdany ákimdigi janyndaǵy tótenshe jaǵdaılardyń aldyn alý jáne joıý jónindegi komıssııa otyrysynyń hattamasy negizinde "Býlaev qalasynyń aýmaǵynda shekteý is-sharalaryn engizý týraly" M.Jumabaev aýdanynyń memlekettik sanıtarlyq dárigeriniń qaýlysy qabyldandy.
Osy qaýlymen 2020 jyldyń 9 qazandaǵy 10 saǵat 00-den bastap Býlaev qalasynda kásipkerlik jáne ózge de qyzmet pen halyqtyń ómiriniń erekshe sharttarymen shekteý sharalary engizildi.
Býlaev qalasyna kirý men shyǵý oryndarynda COVID-19 koronavırýstyq ınfeksııasynyń taralýyna jol bermeý maqsatynda tranzıttik júk avtokóligin, sondaı-aq halyqtyń muqtajdyqtary úshin azyq-túlik, aýyl sharýashylyǵy jáne ózge de taýarlary bar júk avtokólikterine tyıym salýdy baqylaý úshin 4 polısııa beketi ornatyldy. Bular tek medısınalyq kólikterdiń kirip-shyǵýyn rettemeıdi.
Býlaev qalasynyń turǵyndary páterlerden nemese úılerinen shyǵýdy saǵat 22:00 - den 6:00-ge deıin shekteýi kerek. Qalǵan ýaqytta jaqyn dúkenge, dárihanaǵa jáne jumysqa ǵana barýǵa bolady. Jumysqa jáne medısınalyq kómekkeýǵa shekteý joq. Alaıda kórshilerdiń, tanystardyń, týystardyń, áriptesterdiń kelýine tyıym salynady. Saǵat keshki jetiden keıin kámeletke tolmaǵandardyń eresekterdiń qaraýynsyz júrýine shekteýler qoıylady. 65 jastan asqan azamattarǵa ózin-ózi oqshaýlaý rejimin saqtaý qajet.
Bul aýdan Reseı Federasııasynyń Omby oblysymen shektesetin. Jaman indetti sol jaqtan kelgen jolaýshylar men júrginshiler ákelýi múmkin degen boljam bar.
Karantın rejiminiń qaı ýaqytqa deıin sozylatyny anyqtalmaǵan. Halyq qazir mundaıǵa narazylyq bildirýdi qoıǵan. О́zderi úshin ekenin bári de uǵypty. Halqymyzdyń sanaly, esti bolǵanyna ne jetsin.
Soltústik Qazaqstan oblysy