«Saqtyqta qorlyq joq» demekshi SQO PD oblystaǵy halyq kóp jınalatyn nysandardyń lańkestik áreketterden qorǵalýyn tekserdi. О́zi de «jaýyn jaýmaı sý bolyp júretin» polısııa qazir kórshi elderdegi túrli terrorıstik áreketterdi alǵa tartyp barlyq nysandardyń qaýipti jaǵdaılarǵa daıyn bolýyn qatty qadaǵalaýda. Árıne, qorqyp-úrkip, únemi saqtanyp ómir súrýge bolmaıdy, biraq báribir qaterli áreketterge daıyn bolǵan jón.
Tekserister nátıjesi boıynsha uıymdar men mekemelerdiń basshylaryna jarty mıllıon teńgeden astam aıyppul salyndy. О́ıtkeni olarda qaýipsizdik rejiminiń qamtamasyz etilmegeni anyqtaldy. «Adamdar jappaı jınalatyn oryndarda turǵyndardyń qaýipsiz júrýi jáne demalýy maqsatynda obektilerdiń basshylary men ıeleri terrorıstik turǵyda osal obektilerge qatysty kózdelgen barlyq talaptardy oryndaýy tıis. Menshik túrine qaramastan, olar personal men kelýshiler úshin qaýipsizdikti qamtamasyz etýleri qajet», - dep atap ótti SQO Polısııa departamenti Ekstremızmge qarsy is-qımyl basqarmasy bastyǵynyń mindetin atqarýshy polısııa kapıtany Almas Shıtqanov.
Jyl basynan tártip saqshylary 150 nysandy tekserdi. Tekseris nátıjeleri boıynsha 52 uıǵarym shyǵaryldy. 4 basshyǵa qatysty ákimshilik materıal toltyryldy. Bularda beıne baqylaý kamerealary talapqa saı kólemde bolmaǵan, sonymen birge ondaǵy túsirilimder erte óshirilgen. Olar keminde bir aı saqtalýy kerek-ti. Sondaı-aq, keıbir qyzmetkerler terrorıstik qaýip tóngen kezde áreket etý tártibin bilmegen.
PETROPAVL