Bul qarajat Afrıkaǵa koronavırýs saldarynan bolǵan qıyndyqtardy joıyp, elderdi qaıta qalpyna keltirý úshin qajet. Bul týraly Halyqaralyq valıýta qory málimdedi.
Esep boıynsha atalǵan soma aldaǵy 3 jylda ekonomıkalyq jáne densaýlyq saqtaý salasyna túsken salmaqty jeńildetip, Afrıka elderiniń aıaqqa turýyna kómektespek. Halyqaralyq valıýta qorynyń basshysy bul mindetti álem elderiniń birige kótergeni durys degen pikir bildirdi.
Jalpy, Afrıka elderinde ózge memlekettermen salystyrǵanda koronavırýs juqtyrǵandar men indetten qaıtys bolǵandar sany kóp emes. Alaıda sarapshylar pandemııa qurlyqty kedeılik qursaýynda qaldyrady dep otyr. Jumysynan aıyrylǵandar qatary kóbeıgen soń, otbasyndaǵy kiris te 12 paıyzǵa tómendep ketken. Osyǵan deıin Halyqaralyq valıýta qory indet saldaryn azaıtý úshin shamamen 26 mlrd dollar bólgen. Jeke uıymdar bergen nesıe men basqa elderdiń kómegine qaramastan, qarjy tapshylyǵy áli de bar. Afrıkada 1,5 mıllıonnan astam adam indet juqtyryp, 37 myńǵa jýyq naýqas qaıtys boldy.