2013 jylǵy 26 tamyz, Astana, Úkimet Úıi
Halyqaralyq temirjol jáne avtomobıl qatynasy joldarynyńQazaqstan Respýblıkasynyń Memlekettik shekarasynan ótkizýpýnktterine deıingi ýchaskelerin belgileýge jáne jabdyqtaýǵa qoıylatyntalaptardy jáne olar boıynsha júrý qaǵıdalaryn, sondaı-aq QazaqstanRespýblıkasynyń Memlekettik shekarasynda ornalasqan halyqaralyqshekara mańy yntymaqtastyǵy ortalyǵy perımetriniń qazaqstandyqbóligin jabdyqtaýǵa qoıylatyn talaptardy bekitý týraly
«Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy Qazaqstan Respýblıkasynyń Zańy 55-babynyń 11) tarmaqshasyna sáıkes Qazaqstan Respýblıkasynyń Úkimeti qaýly etedi:1. Qosa berilip otyrǵan halyqaralyq temirjol jáne avtomobıl qatynasy joldarynyń Qazaqstan Respýblıkasynyń Memlekettik shekarasynan ótkizý pýnktterine deıingi ýchaskelerin belgileýge jáne jabdyqtaýǵa qoıylatyn talaptar jáne olar boıynsha júrý qaǵıdalary, sondaı-aq Qazaqstan Respýblıkasynyń Memlekettik shekarasynda ornalasqan halyqaralyq shekara mańy yntymaqtastyǵy ortalyǵy perımetriniń qazaqstandyq bóligin jabdyqtaýǵa qoıylatyn talaptar bekitilsin.2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 26 tamyzdaǵy №843 qaýlysymen bekitilgen
Halyqaralyq temirjol jáne avtomobıl qatynasy joldarynyń Qazaqstan Respýblıkasynyń Memlekettik shekarasynan ótkizý pýnktterine deıingi ýchaskelerin belgileýge jáne jabdyqtaýǵa qoıylatyn talaptar jáne olar boıynsha júrý qaǵıdalary, sondaı-aq Qazaqstan Respýblıkasynyń Memlekettik shekarasynda ornalasqan halyqaralyq shekara mańy yntymaqtastyǵy ortalyǵy perımetriniń qazaqstandyq bóligin jabdyqtaýǵa qoıylatyn talaptar
1. Jalpy erejeler1. Osy Halyqaralyq temirjol jáne avtomobıl qatynasy joldarynyń Qazaqstan Respýblıkasynyń Memlekettik shekarasynan ótkizý pýnktterine deıingi ýchaskelerin belgileýge jáne jabdyqtaýǵa qoıylatyn talaptar jáne olar boıynsha júrý qaǵıdalary, sondaı-aq Qazaqstan Respýblıkasynyń Memlekettik shekarasynda ornalasqan halyqaralyq shekara mańy yntymaqtastyǵy ortalyǵy perımetriniń qazaqstandyq bóligin jabdyqtaýǵa qoıylatyn talaptar «Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy Qazaqstan Respýblıkasynyń Zańyna sáıkes ázirlendi jáne halyqaralyq temirjol jáne avtomobıl qatynasy joldarynyń Qazaqstan Respýblıkasynyń Memlekettik shekarasynan ótkizý pýnktterine deıingi ýchaskelerin belgileýge jáne jabdyqtaýǵa qoıylatyn talaptardy jáne olar boıynsha júrý tártibin, sondaı-aq Qazaqstan Respýblıkasynyń Memlekettik shekarasynda ornalasqan halyqaralyq shekara mańy yntymaqtastyǵy ortalyǵy perımetriniń qazaqstandyq bóligin jabdyqtaýǵa qoıylatyn talaptardy belgileıdi.
2. Halyqaralyq temirjol jáne avtomobıl qatynasy joldarynyń Qazaqstan Respýblıkasynyń Memlekettik shekarasynan ótkizý pýnktterine deıingi ýchaskelerin belgileýge jáne jabdyqtaýǵa qoıylatyn talaptar jáne olar boıynsha júrý qaǵıdalary2. Halyqaralyq temirjol jáne avtomobıl qatynasy joldarynyń Qazaqstan Respýblıkasy Memlekettik shekarasynan ótkizý pýnktterine deıingi ýchaskeleri (budan ári – temirjol jáne avtomobıl joldarynyń ýchaskeleri) kóliktiń qozǵalys baǵyty boıynsha aqparattyq qalqandarmen, belgilermen belgilenedi, olarda jol qozǵalysynyń qaýipsizdigi týraly Qazaqstan Respýblıkasynyń zańnamasyna sáıkes Qazaqstan Respýblıkasy Memlekettik shekarasyn kesip ótý týraly nemese aqparattyq qalqannyń ornalasý ornynan Qazaqstan Respýblıkasynyń Memlekettik shekarasyna deıingi araqashyqtyq týraly aqparat, sondaı-aq Qazaqstan Respýblıkasynyń zańnamasynda belgilengen osy ýchaskelerdegi shekteýler týraly aqparat ornalastyrylady. Aqparat memlekettik, orys, aǵylshyn tilderinde jáne qajet bolǵan jaǵdaıda kórshiles memlekettiń resmı tilinde ornalastyrylady.3. Temirjol jáne avtomobıl joldarynyń ýchaskelerin jabdyqtaýdy kólik jáne kommýnıkasııa salasyndaǵy ýákiletti memlekettik organ, sondaı-aq jergilikti atqarýshy organdar Qazaqstan Respýblıkasynyń avtomobıldik joldar jáne temirjol kóligi týraly zańnamasyna sáıkes júzege asyrady.Temirjol jáne avtomobıl joldary ýchaskelerin jabdyqtaý jónindegi, onyń ishinde tıisti belgiler men qozǵalysty uıymdastyrýdyń tehnıkalyq quraldaryn ornatý jónindegi jumystardy júrgizý Qazaqstan Respýblıkasy Ulttyq qaýipsizdik komıtetiniń Shekara qyzmetimen kelisiledi.4. Qazaqstan Respýblıkasynyń Memlekettik shekarasynan ótkizý pýnktterine deıin temirjol jáne avtomobıl joldarynyń ýchaskelerinde adamdar men kólik quraldarynyń qozǵalysy barysynda júrýdiń mynadaı tártibi belgilenedi:1) qozǵalys tek belgilengen marshrýt boıynsha ǵana júzege asyrylady;2) adamdardy túsirý (otyrǵyzý), júkterdi jáne taýarlardy túsirý (tıeý) maqsatynda toqtaýǵa, ótkizý pýnktterine kirý kezinde keptelisterdi týǵyzýǵa ruqsat etilmeıdi;3) temirjol quramdarynyń, onyń ishinde jeke júretin teplovozdardyń (lokomotıvterdiń) toqtaýy qozǵalys qaýipsizdigin qamtamasyz etý maqsatynda qarsy kele jatqan quramdardy ótkizý úshin ǵana júzege asyrylady;4) Qazaqstan Respýblıkasy Memlekettik shekarasyn kesip ótýdi maqsat etpegen jolaýshylardy túsirý jáne otyrǵyzý maqsatynda jolaýshylar poıyzdarynyń, jergilikti (qala mańy) poıyzdardyń, osyndaı ýchaskelerde ornalasqan stansııalarda (razezderde) toqtaýyna mundaı kólik quraldaryn shekaralyq narıadtar alyp júrgen jaǵdaıda ruqsat beriledi.
3. Qazaqstan Respýblıkasynyń Memlekettik shekarasyndaornalasqan halyqaralyq shekara mańy yntymaqtastyǵy ortalyǵyperımetriniń qazaqstandyq bóligin jabdyqtaýǵa qoıylatyn talaptar5. Halyqaralyq shekara mańy yntymaqtastyǵy ortalyǵynyń qazaqstandyq bóligi Qazaqstan Respýblıkasy Memlekettik shekarasynyń rejımin qamtamasyz etý maqsatynda Qazaqstan Respýblıkasynyń Memlekettik shekarasy syzyǵynan on metrden jaqyn emes jerde ornalasady jáne onyń beınebaqylaý, sıgnalızasııa júıelerimen, jaryqtandyrý qurylǵylarymen, sondaı-aq shekara narıadtarynyń júrip-turýy úshin ótetin jerlermen jabdyqtalatyn qorshaýlary bolýy tıis.6. Qorshaý perımetriniń ishki jaǵynan halyqaralyq shekara mańy yntymaqtastyǵy ortalyǵynyń qaýipsizdik bólimsheleri, Qazaqstan Respýblıkasy Ulttyq qaýipsizdik komıteti Shekara qyzmetiniń bólimshesi halyqaralyq shekara mańy yntymaqtastyǵy ortalyǵynyń qazaqstandyq bóligine qyzmet kórsetýi jáne kúzetýi úshin jol jabdyqtalady.7. Halyqaralyq shekara mańy yntymaqtastyǵy ortalyǵynyń qazaqstandyq bóligi shektes memlekettiń halyqaralyq shekara mańy yntymaqtastyǵy ortalyǵynyń bóligimen adamdardyń, kólik quraldarynyń jáne júkterdiń oryn aýystyrýy úshin arnaıy ótkelmen qosylady.Qaýipsizdikti qamtamasyz etý múddesinde shektes memleketterdiń bólikteri arasynda ýaqytsha baqylaýdy engizý nemese qatynasty toqtatý úshin arnaıy ótkeldiń qajetti ınfraqurylymy (qurylysy) bolýy tıis. Kórsetilgen ınfraqurylymdy (qurylystardy) paıdalaný tártibi halyqaralyq kelisimdermen belgilenedi.8. Halyqaralyq shekara mańy yntymaqtastyǵy ortalyǵy qazaqstandyq bóliginiń aýmaǵyna kirý-shyǵý oryndarynda shekaralyq, kedendik jáne baqylaýdyń basqa da túrlerin ótkizý úshin qajetti ınfraqurylymy bar pýnktter (dálizder) qurylady.