Áıgili "Djıro d’Italııa" kópkúndiginiń toǵyzynshy kezeńi "EF Pro Cycling" klýby sapynda óner kórsetetin Rýben Gerreırýdyń jeńisimen aıaqtaldy, dep habarlaıdy Egemen.kz.
Apennın túbeginde ornalasqan San-Salvo men Rokkarazo qalalary aralyǵyn jalǵastyryp jatqan 207 shaqyrymdyq qashyqtyqty aıtýly portýgalııalyq veloshabandoz 5 saǵat 41 mınýt 20 sekýnd aralyǵynda júrip ótti.
Ekinshi jáne úshinshi oryndy ıspanııalyq Djonatan Kastroveho ("INEOS Grenadiers") men danııalyq Mıkkel Berg ("UAE-Team Emirates") enshiledi. Al "Astana" klýby músheleri arasynan eń úzdik kórsetkishke Iаkob Fýlsang qol jetkizdi. Jeńimpazdan 1 mınýt 38 sekýnd qalyp qoıǵan ol máre syzyǵyn toǵyzynshy bolyp qıyp ótti.
Jalpy esepte Joaý Almeıda (Portýgalııa, "Deceuninck-Quick Step") aldyna jan salar emes. Onyń ýaqyty – 35:35:50. Ekinshi jáne úshinshi satylarǵa Vılko Kelderman (Nıderland, "Team Sunweb") men Pelo Bılbao (Ispanııa, "Bahrain-McLaren") jaıǵasty. Al "Astananyń" serkesi Iаkob Fýlsang ázirge altynshy orynda ıemdenýde.