Álemde 7000-nan astam til bar, biraq olardyń arasyndaǵy eń tanymal 10 til jarııalandy, dep habarlaıdy Egemen.kz "Habar 24" saıtyna silteme jasap.
Qytaı tili. Álemde 1,3 mlrd adam osy tilde sóıleıdi. Qytaı tili Qytaı, Taıvan jáne Sıngapýrdyń resmı tili bolyp tabylady. Ol álemdegi eń qıyn til bolyp sanalady.
Aǵylshyn tili. 600 mıllıon adam osy tilde sóıleıdi. Álemdegi eń keń taralǵan til: 106 el aǵylshyn tilinde sóıleıdi. Aǵylshyn tili Ulybrıtanııada resmı jáne negizgi til bolyp tabylady.
Hındı tili. 490 mıllıon adam osy tilde sóıleıdi. Úndistan, Nepal, Bangladeshte jáne Pákistanda hındı tili qoldanysta. Kópshilik hındı kóp uzamaı Qytaı tilin basyp ozady dep boljaıdy.
Ispan tili. Álemde 427 mıllıon adam osy tilde sóıleıdi. Álemniń 31 eli ıspan tilinde sóıleıdi. Ispan tili BUU, Eýropalyq Odaq jáne Ońtústik Amerıka Ulttar Odaǵy sııaqty halyqaralyq uıymdardyń resmı tili.
Arab tili. Álemdegi 58 elde 267 mln adam ósy tilde sóıleıdi. Ásirse, Saýd Arabııasynda, Irakta, Kýveıtte, Sırııada, Lıvanda, Iordanııada jáne Egıpette keń qoldanylady.
Orys tili. Álemniń 17 elinde 260 mln adam sóıleıdi. Orys tili Reseıdiń, Qazaqstannyń, Belarýstiń, Qyrǵyzstan men Tájikstannyń resmı tili. Bul til – BUU-nyń alty resmı tiliniń biri.
Bengal tili. Bangladeshte jáne Úndistannyń keıbir shtattarynda 250 mıllıon adam osy tilde sóıleıdi. Bangladeshte bengal tili resmı til, al Úndistanda tanymaldylyǵy jaǵynan ekinshi til.
Portýgal tili. Álemniń 12 elinde 240 mln adam osy tilde sóıleıdi.
Indonezııa tili. Álemdegi 16 elde 200 mln adam qoldanady.
Fransýz tili. 53 elde 150 mln adam fransýz tilinde sóıleıdi. Negizinen Fransııada qoldanylady. Fransýz tili – kóptegen halyqaralyq uıymdardyń resmı tili: Eýropalyq Odaq, Halyqaralyq Olımpıada komıteti jáne BUU.