Bul týraly oblystyq polısııa departamentiniń bastyǵy Qamza Úmbetqalıev málim etti, dep habarlaıdy Egemen.kz.
Onyń aıtýynsha, esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalary kezinde úıinde esirtki ósirgen azamatty ustaǵan.
«Atyraý qalasynyń 1970 jylǵy turǵyny úıindegi jatyn bólmesinde jeldetkishi, temperatýrasy men jaryǵy barshaǵyn jylyjaı jabdyqtap, quramynda esirtki bar ósimdik ósirýmen aınalysqan. Onyń úıin tekserý kezinde tórt ydysta ósip turǵan ósimdikter tabyldy. Elý jastaǵy azamattyń aıtýynsha, esirtki ósimdikterin satý úshin emes, ózi qoldaný maqsatynda ósiripti. Bul azamattan alynǵan qan quramy saraptamadan ótkizildi. Narkolog-dárigerdiń qorytyndysymen onyń qanynyń quramynda esirtki bary anyqtaldy» deıdi oblystyq polısııa departamentinińbastyǵy Qamza Úmbetqalıev.
Ustalǵan azamatqa qatysty QR Qylmystyq Kodekstiń 300-babymen (Quramynda esirtki zattary bar, ósirýge tyıym salynǵan ósimdikterdi zańsyz ósirý) sotqa deıingi tergep-tekserý bastaldy.