Qazalyda «Tour de Qazaly 2020» velojarysy ótti. Sporttyq sharany aýdandyq ishki saıasat bóliminiń tapsyrysyna sáıkes «Saýal Qazaly» qoǵamdyq birlestigi men jastar resýrstyq ortalyǵy uıymdastyrdy, dep habarlaıdy Egemen.kz.
Velojarys Qashaqbaı Pirimov atyndaǵy aýyldan bastaý aldy. Jarysqa qatysýshylarǵa aýdandyq ishki saıasat bóliminiń basshysy Ádilhan Jólekeshov sáttilik tilep, bul sharanyń buqaralyq sportty damytýdaǵy rólin atap ótti.
Áıteke bı kentindegi «Jeńis» saıabaǵynyń aldyndaǵy márege alǵashqy bolyp Dáýren Beket jetip, jeńimpaz atandy. Al, Baǵdat Ábekenov pen Baýyrjan Orynbasarov ekinshi, úshinshi oryndardy ózara bólisti.
Velojarystyń júldegerlerin aýdan ákiminiń orynbasary Álibı Ábıev quttyqtap, jeńimpazǵa jańa velosıped tabys etti.
Jarysty ózge sportshylardy nazardan tys qaldyrmady. Veloshabandozdardy birneshe nomınasııa boıynsha marapattap, baǵaly syılyqtar tabystady.
Qyzylorda oblysy