2013 jylǵy 26 tamyz, Astana, Úkimet Úıi
Qyzmetkerdiń mindetti kásiptik zeınetaqy jarnalaryn esepteý úshin alynatyn aı saıynǵy tabysyn aıqyndaý qaǵıdalaryn bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy 26-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:1. Qosa berilip otyrǵan Qyzmetkerdiń mindetti kásiptik zeınetaqy jarnalaryn esepteý úshin alynatyn aı saıynǵy tabysyn aıqyndaý qaǵıdalary bekitilsin.2. «Erikti kásiptik zeınetaqy jarnalaryn esepteý úshin qabyldanatyn aı saıynǵy tabysty belgileý erejesin jáne Salymshylar óz qarajaty esebinen olardyń paıdasyna erikti kásiptik zeınetaqy jarnalaryn júzege asyratyn qyzmetkerler kásipteriniń tizbesin bekitý týraly» Qazaqstan Respýblıkasy Úkimetiniń 2003 jylǵy 15 mamyrdaǵy № 452 qaýlysynyń kúshi joıyldy dep tanylsyn.3. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasy Úkimetiniń 2013 jylǵy 26 tamyzdaǵy №849 qaýlysymen bekitilgen
Qyzmetkerdiń mindetti kásiptik zeınetaqy jarnalaryn esepteý úshin alynatyn aı saıynǵy tabysyn aıqyndaý qaǵıdalary1. Osy Qyzmetkerdiń mindetti kásiptik zeınetaqy jarnalaryn esepteý úshin alynatyn aı saıynǵy tabysyn aıqyndaý qaǵıdalary (budan ári -Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańyna sáıkes ázirlendi jáne biryńǵaı jınaqtaýshy zeınetaqy qoryna qyzmetkerdiń mindetti kásiptik zeınetaqy jarnalaryn esepteý úshin alynatyn aı saıynǵy tabysyn aıqyndaý tártibin belgileıdi.2. Mindetti kásiptik zeınetaqy jarnalarynyń salymshylary mindetti kásiptik zeınetaqy jarnalaryn esepteý úshin alynatyn tabysty qyzmetkerdiń bir aıda eseptelgen tabysynyń somasyna qaraı esepteıdi.3. Mindetti kásiptik zeınetaqy jarnalaryn esepteý kezinde qyzmetkerdiń aqshalaı nysanda eńbekke aqy tóleý túrinde alatyn mynadaı tabystary: laýazymdyq jalaqylar (tarıftik mólsherlemeler), qosymsha aqylar, ústemeaqylar, ótemaqy tólemderi, syılyqaqylar eskeriledi.4. Mindetti kásiptik zeınetaqy jarnalaryn esepteý kezinde tólemderdiń mynadaı túrleri eskerilmeıdi:1) jumys rejımine jáne eńbek jaǵdaılaryna baılanysty beriletin ótemaqy tólemderi:ekologııalyq apat nemese ıadrolyq synaq polıgonynda ıadrolyq synaqtar saldarynan zardap shekken azamattardy áleýmettik qorǵaý týraly Qazaqstan Respýblıkasynyń zańnamasyna sáıkes tólemder;dalalyq jaǵdaılarda ken-barlaý, topografııalyq-geodezııalyq jáne izdestirý júmystarymen aınalysatyn qyzmetkerlerge Qazaqstan Respýblıkasynyń zańnamasynda belgilengen mólsherde beriletin dalalyq úles;turaqty jumysy jol ústinde ótetin nemese júrip-turý sıpatynda bolǵan jaǵdaılarda ne qyzmet kórsetetin ýchaskeler shegindegi qyzmettik jol júrýlerge baılanysty, Qazaqstan Respýblıkasynyń zańnamasynda belgilengen mólsherde tólenetin tólemder;2) jumys berýshiniń qyzmetkerge paıdalanylmaǵan eńbek demalysy úshin tóleıtin ótemaqylary;3) uıym taratylǵan nemese jumys berýshi qyzmetin toqtatqan, qyzmetkerlerdiń sany nemese shtaty qysqarǵan jaǵdaılarda eńbek sharty buzylǵan kezde tólenetin ótemaqylar eseptelmeıdi.5. Mindetti kásiptik zeınetaqy jarnalarynyń salymshylary mindetti kásiptik zeınetaqy jarnalaryn óz qarajaty esebinen kásipteri Qazaqstan Respýblıkasynyń Úkimeti aıqyndaǵan óndirister, jumystar, qyzmetkerlerdiń kásipteri tizbesinde kózdelgen qyzmetkerlerdiń paıdasyna júzege asyrady.6. Mindetti kásiptik zeınetaqy jarnalarynyń mólsherlemesi qyzmetkerdiń osy Qaǵıdalarǵa sáıkes eseptelgen aı saıynǵy tabysynan bes paıyz mólsherde belgilenedi.