Qurlyqtyq hokkeı lıgasynyń (QHL) kezekti týr oıynyn Nur-Sultannyń "Barysy" Ýfada jergilikti "Salavat Iýlaevqa" qarsy ótkizdi, dep habarlaıdy Egemen.kz.
Básekeniń alǵashqy 20 mınýtynda qos komanda bir-birin ala almady. Úzilisten keıin aıdyn ıeleri bizdiń qaqpamyzǵa qatarynan eki shaıbany engizdi. Bul goldardyń avtorlary – Shákir Muhamadýllın(24 mınýt) men Aleksandr Alekseev (33 mınýt).Esesine úshinshi kezeńde "qaharyna" mingen qonaqtar tarazy basyn teńestirdi. 42 mınýtta Maksım Mýsorov esep aıyrmashylyǵyn qysqartsa, 49 mınýtta Darren Dıs nysanany dál kózdedi. Osylaısha, oıyn overtaımǵa ulasty. Qosymsha ýaqyt bastalǵan bette jerlesterimiz bir oıynshynyń kóptigin utymdy paıdalanyp, 61 mınýtta Roman Starchenko jeńis golyn soqty. Esep – 2:3.
О́ziniń kelesi kezdesýin "Barys" Máskeýde jergilikti "Spartak" klýbyna qarsy ótkizedi.