Shyǵys Qazaqstanda apaly-sińili mektep oqýshylary kómirqyshqyl gazynan ýlanyp qaıtys boldy. Qutqarýshylar kishkentaı qyzdardyń úıde jalǵyz bolǵanyn jáne peshti ózderi jaqpaq bolǵanyn aıtty, dep habarlaıdy Egemen.kz.
Qaıǵyly oqıǵa bolǵan kúni 15 jáne 7 jastaǵy apaly-sińlili Sekısovka aýylyndaǵy apaıynyń úıinde bolǵan. Oqýshy qyzdar peshti jaǵyp, ózderi jatyp qalady. Tańerteń qyzdardyń anasy olardy es-tússiz kúıde tapqan. Kelgen jedel járdem dárigerleri balalardyń ekeýi de qaıtys bolǵanyn málimdedi. Mamandar qyzdardyń kómirtek totyǵymen ýlanǵanyn rastady.
"Qaıǵyly jaǵdaıǵa jylý peshiniń murjasyndaǵy jabyq ysyrma sebep boldy. Qyzdar qaraýsyz qalyp, pesh jaǵyp, úıdi jylytamyz dep qaıtys boldy", dedi Glýbokovskıı aýdanyndaǵy tótenshe jaǵdaılar bóliminiń bastyǵy Konstantın Borovıkov.