Tennısten Parıjdegi Rolan Garros týrnıri aıaqtalǵan soń álemdik reıtıngi qaıta jańartyldy. Erler arasynda ázirge Novak Djokovıch shashasyna shań juqtyratyn emes, dep habarlaıdy Egemen.kz
Fransııanyń astanasynda ótken «Úlken dýylǵy» sanatyndaǵy týrnıriniń fınalynda Serbııanyń saıypqyrany oısyraı utylǵany belgili. Soǵan qaramastan Djokovıch áli de ATR reıtınginde kósh bastap tur. Onyń enshisinde 11740 upaı bar. Al ony utqan Rafael Nadal ekinshi oryndy ıelenýde. Ispanııanyń sańlaǵy 9850 upaı oljalaýda. Sondaı-aq, aýstrııalyq Domınık Tım (9125 upaı), shveısarııalyq Rojder Federer (6630), grekııalyq Stefanos Sısıpas (5925), reseılik Danıl Medvedev (5890), germanııalyq Aleksandr Zverev (4650), argentınalyq Dıego Shvarsman (3180), ıtalııalyq Matteo Berrettını (3075) jáne Reseıdiń taǵy bir ókili Andreı Rýblev (2974) syndy sheberler «TOP-10» oıynshynyń qataryna enip otyr.
Qazaqstandyq tennısshiler arasynda ATR reıtıngindgi eń úzdik kórsetkish Aleksandr Býblıkke (1045) tıesili. Ol 52 oryndy enshileýde. Elimizdiń ekinshi raketkasy Mıhaıl Kýkýshkın (751) 88 satyǵa taban tiredi.