Túrkistan oblysy boıynsha barlyq nysandardaǵy sanıtarlyq talaptyń saqtalýyn qoǵamdyq baqylaý múshelerinen qurylǵan arnaıy monıtorıngtik top baqylaıdy. Reıdtik tekseriske shyǵyp, bas sanıtar dárigerdiń qaýlysyn elemegenderge ákimshilik shara qoldanýda. 53 mobıldi top karantın rejımi kezinde qyzmetin júzege asyratyn nysandardy aralady, dep habarlaıdy Egemen.kz oblys ákiminiń baspasóz qyzmetine silteme jasap.
Koronavırýstyń taralýyna jol bermeý maqsatynda júrgizilgen arnaıy reıd kezinde mobıldi top kásipkerlik nysandardy aralap, belgilengen sanıtarlyq normalardyń saqtalýyn tekserdi. Talap buzǵandarǵa eskertý jasaldy. 5 shilde men 10 qazan aralyǵynda 30 myńǵa jýyq nysan aralaǵan mobıldi top karantın talaptaryn buzǵan 3701 nysan anyqtady. Ákimshilik quqyq buzýshylyq týraly hattama toltyrylyp, 150 mln 217 470 teńge kóleminde aıyppul salyndy.
Toı-tomalaqqa tyıym salynǵanyna qaramastan óńirde jekelegen azamattar kelin túsirip, qyz uzatyp, jıyn ótkizýdi toqtatpaı tur. Mobıldi toptyń tekserýimen jalpy 236 otbasylyq, merekelik is-sharalar anyqtalyp, toı ýaqytynan buryn toqtatyldy.