Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, 5 shildeden beri karantın talabyn buzǵandarǵa jalpy somasy 122 mln teńgeden astam aıyppul salyndy, dep habarlaıdy Egemen.kz
"Atyraý qalasy men aýdandarda qurylǵan 114 mobıldik top karantındik talaptardyń saqtalýyna monıtorıng júrgizip, reıd jumysyn kúsheıtti. QR Bas memlekettik sanıtarlyq dárigerdiń qaýlysyn oryndaý maqsatynda 5 shilde-9 qazan aralyǵynda mobıldik top 1600 reıdtik tekseris júrgizdi. Nátıjesinde 653 materıal jınaqtaldy. Shaǵyn jáne orta kásipkerlikke, sonymen qatar, jeke tulǵalarǵa 463 ákimshilik is qozǵalyp, 66 mln 794 myń teńgeniń aıyppuly salyndy", dep habarlady departamenttiń baspasóz qyzmeti.
Sondaı-aq, azyq-túlik dúkenderi men tamaqtaný oryndaryna, kólik jýý ortalyǵy sekildi 139 zańdy tulǵalarǵa 55 mln 592 myń 590 teńge aıyppul salynǵan. Karantındik talapardy buzý deregimen 190 materıal qaralýda.