Saýda jáne ıntegrasııa mınıstri Baqyt Sultanov Ulttyq taýar ótkizý júıesin qurý jónindegi jobany iske asyrý halyqtyń áleýmettik mańyzy bar azyq-túlik taýarlaryn satyp alý shyǵyndaryn 10-15%-ǵa deıin qysqartýǵa múmkindik beretinin málimdedi.
«Jalpy, 24 kóterme-taratý ortalyǵynan turatyn jobany iske asyrý qorytyndysy boıynsha ekonomıkalyq tıimdilik 1,2 trln teńgeni quraıdy. Aýyl sharýashylyǵy taýaryn óndirýshilerdiń jemis-kókónis óniminiń ónimdiligi jylyna 460 myń tonna nemese 23 mlrd teńgege deıin ulǵaıady», dedi B.Sultanov.
Saýda jáne ıntegrasııa mınıstriniń aıtýynsha, UTJ qurylǵan soń egin shyqqannan keıingi kezeńde óndirýshilerdiń shyǵyndarynyń qysqarýy shamamen 350 myń tonna kókónis ónimderin, jylyna 13,3 mlrd teńge somasyn quraıdy.