Tekserý nátıjeleri qaraldy

Eńbek jáne halyqty áleýmettik qorǵaý vıse-mınıstri Erlan Áýkenovtiń tóraǵalyǵymen ótken is-sharaǵa Túrkistan oblysy ákiminiń orynbasary Ulan Tájibaev, Adam quqyqtary jónindegi ýákil Elvıra Ázimova, beıindi memlekettik jáne jergilikti atqarýshy organ­dardyń qyzmetkerleri, úkimettik emes uıym­dar­dyń ókilderi qatysty.

Buǵan deıin qoǵam belsendisi Aqmaral О́miralınova (Madelhanova) áleýmettik jeli­ler­de kórsetiletin qyzmetti alýshylar men ortalyq qyzmetkerleriniń quqyqtarynyń buzylýy týraly aıtqan bolatyn. Tekserý júr­gi­zý úshin monıtorıngtik top quryldy, onyń qu­ramyna quzyretti ortalyq memlekettik jáne jergilikti atqarýshy organdardyń mamandary, sondaı-aq Aqmaral О́miralınova kirdi.

Otyrys barysynda Eńbek, áleýmettik qorǵaý jáne kóshi-qon komıteti tóraǵasynyń oryn­basary Asqar Aımaǵambetov tekserý ná­tıjeleri qyzmetkerlerdiń eńbek qaty­nas­ta­ry men jumys rejiminiń buzylý fakti­le­rin kórsetkenin habarlady. Sondaı-aq medı­sı­na­lyq qyzmet kórsetý, sanıtarlyq normalar­dy saqtamaý, qyzmet alýshylardy dene eńbegine tartý bóliginde buzýshylyqtarǵa jol berilgen. Budan basqa, materıaldyq-tehnıkalyq baza­nyń álsiz jaraqtandyrylýy, keıbir satyp alynǵan taýarlardyń (sút ónimderi, jumsaq qural-saıman jáne kıim-keshek tehnıkalyq erekshelikke sáıkes kelmedi) sáıkessizdigi anyq­tal­dy, sondaı-aq keıbir taýarlarǵa sáıkestik sertıfıkattary bolǵan joq.

Otyrys barysynda Kóksáıek ortalyǵynyń dırektory Imanáli Amangeldıev ortalyqtyń qyzmetin jaqsartý boıynsha ázirlengen jáne bekitilgen qysqa merzimdi jáne uzaq merzimdi josparlar negizinde materıaldyq-tehnıkalyq bazaǵa tolyq túgendeý júrgizilgenin jáne sapaly qyzmet kórsetý úshin qajetti negizgi quraldardy satyp alýǵa bıýdjettik ótinimder jasalǵanyn habarlady. Oǵan ǵımarat pen jabdyqty jóndeý, Internet baılanysyn jaqsartý, beınebaqylaý júıesin jańartý kiredi. Ortalyq janynan qoǵamdyq baqylaý keńesi quryldy, bul ortalyq qyzmetiniń ashyqtyǵy men aıqyndyǵyn qamtamasyz etý, kórsetiletin qyzmetti alýshylardyń zańdy quqyqtaryn saqtaý jónindegi jumysqa belsendi túrde kiristi.

Túrkistan oblysynyń Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva óńirde arnaıy áleýmettik qyzmetter usynatyn uıymdar jelisin keńeıtý boıynsha qabyldanyp jatqan sharalar týraly aıtyp berdi. Máselen, Túrkistan oblysynyń qurylýyna jáne birneshe medısınalyq-áleýmettik mekemelerdiń 2018 jyly Shymkent qalasynyń balansyna berilýine baılanysty Túrkistan oblysyn damytýdyń 2024 jylǵa deıingi keshendi jos­pa­ryn iske asyrý sheńberinde Túrkistan, Arys jáne Kentaý qalalarynda, sondaı-aq Keles jáne Túlkibas aýdandarynda syıymdylyǵy az arnaýly áleýmettik qyzmetter kórsetý ortalyqtaryn salý kózdelgen.

Kentaý qalasynda 200 oryndyq múgedekterdi ońaltý ortalyǵynyń qurylysyna memlekettik saraptamanyń qorytyndysy alyndy, 50 oryndyq 6 áleýmettik nysannyń qurylysy boıynsha jobalyq-smetalyq qujattama memlekettik saraptamanyń qaraýynda jatyr. Bul nysandardyń qurylysy memlekettik qarajat esebinen de, bıznestiń áleýmettik jaýapkershiligi aıasyndaǵy demeýshilik qarajat esebinen de josparlanyp otyr. Máselen, 2020 jyldyń 4 maýsymynda oblys ákimdigi, «Symbat-Ai» JShS jáne Keles, Túlkibas aýdandary men Kentaý qalasynyń ákimdikteri arasynda qaıyrymdylyq kómek retinde ınvestordyń óz qarajaty esebinen bıznestiń áleýmettik jaýapkershiligi sheńberinde qurylys júrgizý týraly ózara yntymaqtastyq týraly úsh jaqty memorandýmdarǵa qol qoıyldy. Úsh nysan qurylysynyń jalpy quny boljam boıynsha 6,9 mlrd teńgeni quraıdy. Qurylysty aıaqtaý jáne 3 nysandy paıdalanýǵa berý 2021 jyldyń kóktemine josparlanǵan.

Vedomstvoaralyq keńestiń qatysý­shy­laryna tyńdaý nátıjeleri boıynsha ju­mys istep turǵan MÁM-di úlkeıtý, shaǵyn jı­naqtalǵan áleýmettik mekemeler salý jáne úkimettik emes uıymdar arqyly arnaý­ly áleýmettik qyzmetter kórsetýge memle­ket­tik áleý­mettik tapsyrys sheńberinde qar­jy­lan­dy­rý kólemin ulǵaıtý máselesin qaraý boıynsha usy­nymdar berildi.

Túrkistan oblysy