О́ńir jurtshylyǵyna qolaıly jaǵdaı týǵyzý maqsatynda halyqqa qyzmet kórsetý ortalyǵy jańa ǵımaratqa kóshirildi. «Azamattarǵa arnalǵan úkimet» memlekettik korporasııasy KeAQ Atyraý oblystyq fılıalynyń dırektory Musa Haırýllıevtiń aıtýynsha, bul bastama Elbasy Nursultan Nazarbaevtyń «bir tereze» qaǵıdatymen iske asyrylyp otyr. Buǵan oblys ákimdigi qoldaý bildiripti.
Alty qabatty jańa ortalyq zamanaýı talapqa saı jabdyqtaldy. Ǵımarattyń birinshi qabatynda sıfrly ortalyq bar. Munda 30 adam bir mezgilde «ózine ózi qyzmet kórsetý» múmkindigin paıdalana alady. Al ekinshi qabatta qyzmet kórsetý zaly jumys isteıdi. Zaldyń syıymdylyǵy – 100 oryn. Bul zalda bir ýaqytta 30 qyzmet alýshyny qabyldaýǵa múmkindik jasalyp otyr. Úshinshi qabatta áleýmettik qamsyzdandyrý mekemeleri qyzmet kórsetedi. Jer kadastry jáne jyljymaıtyn múlikti tehnıkalyq tekserý departamenti tórtinshi qabatta turǵyndardy qabyldaıdy, – deıdi M.Haırýllıev.
Sondaı-aq bul ortalyqta turǵyndarǵa túrli máselege qatysty keńes beretin keńesshilerge arnalǵan, qujattandyrý men halyqty tirkeý, daıyn qujattardy berý sektorlary, balalar oınaıtyn shaǵyn bólme bar. Jańa ǵımaratta azamattardyń operatorlardy kútpeı-aq, elektrondy qyzmetterdi paıdalana berýine bolady. Alaıda turǵyndardyń aıtýyna qaraǵanda, jańa ortalyqqa jetý qıyn. О́ıtkeni qatynaıtyn avtobýs sanynyń azdyǵy qolaısyzdyq týdyryp otyr. Osyǵan oraı oblys ákimi Mahambet Dosmuhambetov avtobýs sanyn kóbeıtýdi tapsyrdy.
Atyraý oblysy