Alǵys bildiretin aqyldy jáshikter

Nazarbaev Ýnıversıtetinde «Qal­­­­­dyqtardy bólek jına – Qa­zaqstannyń tabıǵatyn saq­taıyq!» aksııasy ótti.

Nazarbaev Ýnıversıtetinde «Qal­­­­­dyqtardy bólek jına – Qa­zaqstannyń tabıǵatyn saq­taıyq!» aksııasy ótti.

Aksııa «Qazaqstan Respýb­­­­lıka­­syn­da qaldyqtardy bólek jınaý ju­mysyn engizý týraly qoǵamdy habar­dar etý» jobasynyń sheńberinde ótti. Joba Qorshaǵan ortany qorǵaý mınıstr­liginiń qoldaýymen júzege asyryldy, al jobanyń oryndaýshysy retinde «Turaqty damýǵa kómek kórsetý» orta­­lyǵy (budan ári – Ortalyq) men «Nazar­bayev University Research and Innovation System» Jastar keńesi bolyp tabyldy.

Aksııanyń maqsaty – Nazarbaev Ýnıversıteti bazasynda qaldyqtardy jı­­naý men joıýdyń ekologııalyq qaýipsiz jáne eko­nomıkalyq turǵyda tıimdi júıe­sin jasaý, «jasyl ekonomıka» salasynda ınnovasııalyq tehnologııalar men ozyq álemdik tájirıbeni engizý, sondaı-aq udaıy ósip kele jatqan qaldyqtardan qala­nyń tazalyǵy men ásemdigin saqtap qalý. Qaldyqtardy bólek jınaý júıesin bar­lyq jerge engizý arqyly bolashaqta 70% qaıtalama shıkizatty jınap alý jos­parlanyp otyr.

Aksııanyń sheńberinde Nazarbaev Ýnıversıtetinde qaldyq­tardy bólek jınaý júıesiniń saltanatty túrde iske qosylýy ótkizildi, nátıjesinde ýnıversıtette konteınerlerdiń 4 túri ornatyldy: makýlatýra (qaǵaz, karton), plastık qaldyqtary (PET- bótelkeler, polıetılen jáne t.b.), eski elektrondyq tehnıka (syn­ǵan uıaly telefondar, kompıýter­ler, noýtbýkter, útikter, fen jáne t.b.), qal­dyq-qoqys. Bul konteınerlerdi ke­le­shek­te «Qazaqstan qaǵazy», «SOIýZ PLAST» jáne «EKO-DOM KZ» sekildi qal­­dyq­­­tardy ıgerý boıynsha arnaıy kom­­panııalar bólek tasyp shyǵaratyn bolady.

«Nazarbayev University Rese­arch and Innovation System» meke­mesiniń jas ǵa­­­ly­my Dıas Tas­tanbekov usyn­­­ǵan qyzyqty ja­ńalyqtardyń biri «Aqyl­dy ýr­nalar» eko-ınnovasııalyq konteı­nerleri, olar adammen sóılesedi. Olar­dyń ereksheligi – toltyrylý datchıgi bar ýrna laqtyrylǵan qoqys úshin adamǵa «alǵys bildiredi».

Sonymen qatar, «Nazarbayev Univer­sity Research and Innovation System» Jas­tar keńesi Ortalyqpen birlesip ýnı­versıtette qaıtalama materıaldardan zattardy óndi­rý boıynsha «Garbage-art com­pe­tition» konkýrsyn ótkizdi. Qaıta óndiriletin materıaldardy qoldaný konkýrsy stýdentter men qyzmetkerlerge ózderiniń shyǵarmashylyq oılaryn qaıta óńdeletin qaldyqtardy (plastık, qaǵaz, karton, elektrondyq qaldyqtar jáne t.b.) paıdalaný salasynda iske asyrýǵa múmkindik berdi. Konkýrsqa qatysýshylar jeke túrde, sondaı-aq toppen birlesip, 5 adamǵa deıin koman­da quryp jumys isteı aldy. Kon­kýr­styń maqsaty ýnı­­ver­sıtettiń stýdent­teri men qyz­metkerleri arasynda qaldyq­­tardy bólek jınaý (qaıta óń­deý) prosesine kómek kórsetý bolyp tabyldy. Konkýrstyń qory­tyndylary aksııa ótkizilgen jerde jınaqtaldy. Keleshekte konkýrsta qaıta óńdelgen qaldyqtardan jasalǵan zattardan aýksıon ótkizý josparlanýda. Aýksıonnan túsken barlyq qarajat qaıyrymdylyqqa jumsalatyn bolady.

Nazarbaev Ýnıversıtetiniń stýdent­­teri men qyzmetkerlerinen basqa is-sharaǵa memlekettik or­gan­dardyń, ÚEU, qaıta óńdeý kom­panııalarynyń, BAQ ókilderi qatysty.

Almat SATYBALDIN.

ASTANA.