Osymen úshinshi apta "Aıbyn-2020" VI respýblıkalyq áskerı-patrıottyq jastar jıyny onlaın rejımde jalǵasýda. Bul format ótken jyldarǵa qaraǵanda barlyq qatysýshylar men kórermenderge unady, dep habarlaıdy Egemen.kz.
Alǵash ret jınalǵan 585 qatysýshydan basqa onlaın formattyń arqasynda 14 jastan 18 jasqa deıingi barlyq tilek bildirýshiler qatysa alady. Qazirgi ýaqytta jeke tártipte baq synaýǵa 1520 adam tirkelgen. Sonymen qatar bıyl tartylǵan jastardyń sany ótken jyldardyń ortasha statıstıkalyq kórsetkishinen tórt ese asyp tústi. Eger buryn "Aıbyn" jıyny ótkizilgen bes jylda 3000-nan astam tárbıelenýshi qatyssa, bıyl olardyń sany 2000 adamnan asty.
Jastar jıyny aıasynda "Biz birgemiz" chellendjder baıqaýynda komandalardyń beınerolıkteri 30 mıllıonnan astam qaralym jınady. Osylaısha, mıllıondaǵan qazaqstandyqtar jas patrıottar ótkizetin qaıyrymdylyq aksııalarynyń kýási boldy. Olar óskeleń urpaqqa mańyzdy qundylyqtardy dáripteıdi.