Qazaqstan men Túrkııa arasynda ǵarysh salasyndaǵy ózara túsinistik týraly Memorandýmǵa qol qoıyldy, dep habarlaıdy Egemen.kz.
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń Túrik ǵarysh agenttiginiń prezıdenti Serdar Iyldyrymmen kezdesýi barysynda elderdiń ǵarysh salasyn damytý jáne osy saladaǵy yntymaqtastyq máseleleri talqylandy.
Túrik delegasııasy Nur-Sultan qalasyndaǵy Ulttyq ǵarysh ortalyǵynda bolyp, Jerdi qashyqtyqtan zondtaıtyn qazaqstandyq spýtnıkterdiń jumysymen tanysty.
Jumys kezdesýi Baıqońyr qalasynda jalǵasty. Túrik ǵarysh agenttigi delegasııasynyń músheleri kosmonavtıka tarıhynyń qalalyq murajaıyna baryp, ǵarysh aılaǵynyń nysandaryn aralap, «Soıýz MS-17» basqarylatyn júk kemesimen «Soıýz-2.1 a» tasymaldaǵysh-zymyrannyń ushyrylymyn tamashalady.
Kelissózder qorytyndysy boıynsha Qazǵarysh pen Túrik ǵarysh agenttigi ǵarysh salasyndaǵy ekijaqty yntymaqtastyqqa baǵyttalǵan ózara túsinistik týraly Memorandýmǵa qol qoıdy.
Qujatqa qol qoıylǵanna keıin Túrik ǵarysh agenttiginiń prezıdenti Serdar Iyldyrym men QR sıfrlyq damý, ınnovasııalar jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov: «Bul qujat eki eldiń ǵarysh mekemeleri men kásiporyndary arasyndaǵy tájirıbelik yntymaqtastyqty bastaýǵa múmkindik beredi», - dep atap ótti.