Túrkistan oblysynyń polıseıleri "Qarý" jedel-aldyn alý is-sharasy aıasynda 300-ge jýyq qarý ıesin tekserdi, – dep habarlaıdy Egemen.kz Polisia.kz saıtyna silteme jasap.
2020 jylǵy 12-15 qazan aralyǵynda oblys aýmaǵynda “Qarý” jedel profılaktıkalyq is-sharasy ótkizilýde.
Atalǵan is-sharanyń negizgi maqsaty – atys qarýyn qoldana otyryp jasalatyn qylmystardy ashý, aldyn alý, jolyn kesý, oq-dárilerdi jáne jarylǵysh zattardy zańsyz saqtaýmen, daıyndaýmen aınalysatyn adamdar men uıymdasqan qylmystyq toptardy anyqtaý, sondaı-aq qarý, oq-dárilerdi zańsyz saqtaý jáne satý derekterin anyqtaý bolyp tabylady.
Is-shara barysynda tártip saqshylary Saryaǵash aýdanynda turatyn 219 qarý ıesin tekserip, 12 qarý ıesine qatysty qarýdy saqtaý erejesin buzǵany úshin ákimshilik hattama toltyrdy.
Sonymen qatar zańsyz saqtalǵan 2 uńǵyly 16 kalıbrli qarý tárkilenip alyndy. Keles aýdanynda qarýdy saqtaý talaptaryn buzǵan 8 tulǵa anyqtalyp, olarǵa ákimshilik aıyppul salyndy. Is-shara barysynda 5 azamat ańshy qarýlaryn erikti túrde tapsyrdy.