Elordada karantındi buzýshylardy anyqtaý boıynsha reıdter jalǵasýda, dep habarlaıdy Egemen.kz ákimdiktiń resmı saıtyna silteme jasap.
14 qazanda 53 nysanǵa monıtorıng júrgizilip, 13-inde buzýshylyqtar anyqtaldy. Kóbine qoǵamdyq tamaqtaný, saýda oryndary, sulýlyq salondary, kompıýterlik klýbtarda erejeler saqtalmaıdy. Onda satýshylar men kelýshiler qashyqtyq pen maska taǵý tártibin elemeıdi. Antıseptıkter, dezınfeksııa tósenishteri joq, nysannyń kireberisinde kelýshiler termometrııasy júrgizilmeıdi.
Barlyq buzýshylyqtar boıynsha Nur-Sultan qalalyq polısııa basqarmasy qyzmetkerleri hattama toltyrady. Keıin materıaldar qaraý jáne ákimshilik sharalar qoldaný úshin Nur-Sultan qalalyq TQSQBD aýdandyq bólimderine jiberiledi.
Elordada segiz mobıldi top jumys isteıdi. 5 shildeden bastap 1973 nysanǵa monıtorıng júrgizildi. Onyń ishinde tamaqtaný oryndary – 873, kommýnaldyq qyzmetter – 276, balabaqshalar – 50, mektepter – 130, densaýlyq saqtaý – 50, saýda – 390, óndiristik – 4, óndiris – 79, basqa nysandar (kompıýterlik klýb, bılıard, lotereıa klýby, ınternet klýb, kınozal, kalıan bar, gúl dúkeni, fıtnes jáne t.b.) – 117 jáne birqatar áleýmettik nysandar tekserildi.
634 jeke, laýazymdy jáne zańdy tulǵalar jalpy somasy 138 781 098 teńgege ákimshilik jaýapkershilikke tartyldy.