Bul týraly oblystyq Tótenshe jaǵdaılar departamentiniń baspasóz qyzmeti málim etti, dep habarlaıdy Egemen.kz
"15 qazanda tańerteńnen beri órtti joıýǵa "Qazavıaqutqarý" AQ-nyń "MI-171" tikushaǵy jumyldyrylyp, eki kún ishinde tikushaq 66 tonna kóleminde 22 ret sý shashty. Sonymen qatar, oblystyq TJD-nyń jeke quramynan 55 adam jumyldyryldy. Batpaq pen qalyń ósken ósimdikter arnaıy tehnıkanyń barýyn qıyndatty. О́rtti sóndirý aspaly órt sóndirgishter men shartyldaqtardyń kómegimen júzege asyrylýda. О́rtengen jerdiń jalpy aýdany 1,5 gektardy quraıdy. Onyń 1,2 gektaryndaǵy órt sóndirildi. Shamamen 0,3 gektar jerde órtti sóndirý jumystary jalǵasýda. Qazirgi ýaqytta órt teńizge qaraı baǵyt aldy", dep habarlady departamenttiń baspasóz qyzmeti.
Teńiz jaǵalaýyndaǵy órtti sóndirý jáne baılanysty uıymdastyrý úshin komandalyq-shtabtyq mashına ornatyldy. Al jeke quramǵa qaýipsiz qashyqtyqta tamaqtaný men túneýge arnalǵan shatyrlar tigildi.