Batys Qazaqstan oblysynda Aýyl sharýashylyǵyn qarjylaı qoldaý qorynan nesıe alyp, kásip bastaǵandar kóbeıip keledi. Solardyń biri – Murat Baımuhambetov.
Terekti aýdanynyń Podstepnoe aýylynda ornalasqan «Diesel Energy KZ» jeke kásipkerligin osy óńirdegi sharýa kásipkerler jaqsy biledi. Tipti kóligi dızel otynymen júretin eńgezerdeı «djıp» ıeleri de Murattyń aldyna muqtaj bolyp keledi. О́ıtkeni Murat Baımuhambetov ekiniń biriniń qolynan kele bermeıtin sırek kásiptiń ıesi. «Diesel Energy KZ» mekemesiniń uıadaı shaǵyn sheberhanasynda dızel otynymen júretin tehnıkalardyń elektrondy forsýnkalary jóndeledi.
- Forsýnka – dızeldik motorlardyń eń negizgi quramynyń biri. Forsýnkasy durys jasamasa, kólik ońbaıdy. Muny dızel ınjektory deýge bolady. Osy forsýnkaǵa osy jerde bastan-aıaq kúrdeli jóndeý jasaımyz: qaqpaqtaryn aýystyramyz, búrikkishin almastyramyz. Mine, dál qazir «MAZ» júk kóliginiń forsýnkasyn jasap jatyrmyn. Stend-apparatqa salyp, aqaýyn anyqtadym, endi qosalqy bólshegin aýystyrýym kerek. Bul «MAZ» kóligi «Eýro-4» standartyna sáıkes keledi. Jalpy biz qazir ekologııalyq taza Eýro-5, Eýro-6 standarttaryna sáıkes kólikterdi de qarap, jóndeı alamyz, - deıdi bizge Murat táptishtep túsindirip.
Terekti aýdany – Batys Qazaqstan oblysynda óndirisi damyǵan, egin sharýashylyǵyna qolaıly óńirge jatady. Sondyqtan munda kúrdeli aýyl sharýashylyq tehnıkalary da kóp. Sheber jigittiń aıtýynsha, jaz boıy tapsyrystyń kóptiginen sińbirýge murshasy bolmaǵan. «Kúnine 2 toptama forsýnka jóndep júrdim. Bir toptamada 6-8 forsýnka bolady. Bul az jumys emes. Bir ózim úlgermeıtin bolǵan soń janyma kómekshi-shákirt aldym» deıdi Murat.
Murattyń sharýasy osydan bir jyl buryn Aýyl sharýashylyǵyn qarjylaı qoldaý qorynan «Kásipker» baǵdarlamasy boıynsha 6 mln teńge nesıe alyp, elektrondy forsýnkanyń aqaýyn tekseretin zamanaýı qondyrǵy satyp alǵaly erekshe alǵa basqan.
- Buryn bul apparat bolmaǵan kezde qıyn edi. Bul bolmasa, jumysyńnyń sapasyn tekserip, kepildik bere almaısyń. Ol apparatty ózim satyp alýǵa jaǵdaı joq. Sóıtip júrgende Aýyl sharýashylyǵyn qarjylaı qoldaý qory týraly, «Kásipker» baǵdarlamasy týraly estidim. Bul nesıeniń sharttary bizge óte qolaıly eken: ósimi tómen, nebári 6 paıyz, bir jyldaı kanıkýly bar. Munyń bári qarapaıym kásipkerlerdiń aıaǵyn nyq basyp, kásibin jolǵa qoıýyna múmkindik beredi, - deıdi Murat.
Búginde Oral qalasynda dál osyndaı úsh-aq apparat bar. Olar bir-birimen habarlasyp, aqyldasyp otyrady eken. Báselespiz dep bástesý joq. О́ıtkeni klıent kóp, jumys bastan asady.
- Bolashaqta óndirisimdi keńeıtkim keledi. О́ıtkeni meniń qyzmetime suranys bar. Ásirese aýyldarda kóne tehnıka óte kóp. Olardyń qarapaıym sorǵysy men forsýnkalaryn da jóndeýge kirisýdi oılap júrmin, - deıdi sheber jigit.
Murattyń muntazdaı sheberhanasyn, tııanaqty jumysyn kórip, ol maqsatyna da jetetinine shúbá keltirmedik. О́ıtkeni memleket tarapynan kásip bastaımyn, is jasaımyn degen adamǵa naqty kómek, qarjylaı qoldaý bar.
Batys Qazaqstan