Qazaqstandaǵy sheteldikter vırýstan tegin em-dom qabyldaı alady, dep habarlaıdy Egemen.kz
Bul týraly Densaýlyq saqtaý mınıstriniń 2020 jylǵy 9 qazandaǵy № QR DSM-121/2020 buıryǵyna sáıkes Ádilet mınıstrliginde 2020 jylǵy 12 qazanda № 21407 bolyp tirkeldi.
Tegin medısınalyq kómekti Qazaqstanda ýaqytsha bolatyn sheteldikter men azamattyǵy joq adamdar, sonymen birge baspana izdeýshiler aınalasyndaǵylarǵa qaýip tóndiretindikten, tegim em-dom qabyldaı alady.
Sheteldikterge tegin medısınalyq kómek alýǵa quqyq beretin aýrýlardyń jańa tizbesi 23 tarmaqtan turady:
Dıfterııa; Qyzylsha; Qyzamyq; Kókjótel; Skarlatına; Jelsheshek; Epıdemııalyq parotıt; A, V, S paratıfteri; Polıomıelıt; Menıngokokk ınfeksııasy; Tyrysqaq; Ish súzegi;Týberkýlez (qaqyryq jaǵyndysynyń týberkýlez mıkobakterııasynyń bolýyna eki ret konversııasyna qol jetkizgenge deıin bakterııa bóletin ókpe týberkýlezi;
naýqastyń ómirine qaýip tóndirmeıtin jaǵdaıǵa qol jetkizgenge jáne qaqyryq jaǵyndysynyń týberkýlez mıkobakterııasynyń bolýyna eki ret konversııasyna qol jetkizgenge deıin týberkýlezdiń jiti údemeli túrleri (menıngıt, mılıarlyq týberkýlez));
Kúıdirginiń ókpelik túri; Oba; Vırýstyq gemorragııalyq qyzbalar; Sary qyzba; A, E vırýstyq gepatıtteri; Bezgek; Vırýstyń jańa sýbtıpinen týyndaǵan adam tumaýy; Aýyr jiti respıratorlyq sındrom (AJRS); Koronavırýs ınfeksııasy.Qujatpen tolyǵyraq siltemege ótip, tanysýǵa bolady: http://adilet.zan.kz/kaz/docs/V2000021407