2020 jyldyń basynan bastap áleýmettik medısınalyq saqtandyrý qory QR Densaýlyq saqtaý mınıstrligi komıssııasynyń sheshimi boıynsha shetelge emdelýge 47 pasıentti jiberdi: 31 adam qajetti kómekti tolyq kólemde aldy, 16 qazaqstandyq emdelýdi jalǵastyrýda.
Taǵy bes pasıent emdelýge joldama kútýde, sebebi aýrýhanaǵa jatqyzý kúni keshirek belgilengen.
2020 jyldyń 1 qazanyndaǵy jaǵdaı boıynsha Áleýmettik medısınalyq saqtandyrý qory sheteldik klınıkalarmen 787 mln teńge somaǵa shart jasasty.
Qarajat týys emes donordan súıek kemigin transplanttaýdy júrgizýge, aǵzalardy transplanttaýǵa, stereotaksıkalyq radıoterapııaǵa/radıohırýrgııalyq emdeýge, protondyq terapııaǵa baǵyttalǵan. Osylaısha, shetelde emdeletin negizgi aýrýlar transplantasııa, onkogematologııa jáne jeke organdardyń onkologııasy profılderine jatady.
«Qazaqstandyqtar 2012 jyldan bastap bıýdjet esebinen shetelge emdelýge barady. Bul baǵdarlama bizdiń elimizde áli damymaǵan nemese ótkizilmegen joǵary tehnologııalyq qyzmet túrlerin alý múmkindigin qamtamasyz etý úshin qurylǵan», - dep atap ótti Áleýmettik medısınalyq saqtandyrý qory.
Azamattardy shetelge emdelýge jiberý tegin medısınalyq kómektiń kepildik berilgen kólemi sheńberinde júzege asyrylady. Memleket sondaı-aq pasıenttiń jáne onyń alyp júrýshileriniń kólik shyǵyndaryn óteıdi.
Baǵdarlama pasıentter jeke qarajaty úshin sheteldik medısınalyq klınıkalarǵa emdelýge baratyn jaǵdaılarǵa qoldanylmaıdy.
Shetelde emdeýdiń oryndylyǵy týraly máseleni qaraý úshin pasıent respýblıkalyq densaýlyq saqtaý uıymyna (ǴZI, medısınalyq ortalyq) júginýi qajet, ol pasıentti shetelge emdelýge jiberý týraly qorytyndy shyǵarady, qujattar paketin ÁMSQ bazasynda jumys isteıtin shetelde emdeýdi uıymdastyrý jónindegi komıssııanyń jumys organynyń qaraýyna usynady. Jumys organy týraly aqparatty myna silteme boıynsha tabýǵa bolady: https://fms.kz/ru/content/napravlenie-grazhdan-na-lechenie-za-rubezh.
Sońǵy sheshimdi alqaly organ bolyp tabylatyn densaýlyq saqtaý mınıstrliginiń Saraptama komıssııasy qabyldaıdy. Shetelde em qabyldaýǵa úmitker pasıentter qujattaryn qarastyrý kezeńderin óz ótinim kodtary arqyly komıssııa jumys organynyń bóliminde qadaǵalaı alady https://info.fms.kz/publicHome/(publicHomeOutlet:WorkBody) Pasıentterge ótinim kody olardyń qujattary jumys organyna túsken ýaqytta jumys organy qyzmetkerlerimen beriledi.
Qazaqstan Reseı, Belarýs, Túrkııa, Ońtústik Koreıa, Úndistan, Germanııa, Ispanııa jáne t. b. aldyńǵy qatarly beıindi klınıkalarmen yntymaqtastyq ornatqan. Sheteldik medısınalyq uıymdy tańdaýdaǵy negizgi krıterııler – qajetti emdeý baǵdarlamasynyń bolýy, emdeýdiń ınnovasııalyq ádisterin paıdalaný, baǵa saıasaty.
Budan basqa, bul baǵdarlama respýblıkalyq medısınalyq uıymdar bazasynda Qazaqstanda joǵary tehnologııalyq medısınalyq qyzmetterdiń damýyn yntalandyrady. Tartylǵan sheteldik mamandar jergilikti dárigerlerge sheberlik sabaqtaryn ótkizedi.
Jyl saıyn bıýdjet qarajaty esebinen shetelge emdelýge 100-den astam pasıent jiberiledi, sheteldik mamandardy tarta otyryp, master-klastar sheńberinde otandyq medısınalyq uıymdarda emdelýge 30-dan astam pasıent jiberiledi.