Astana men Ottava arasyndaǵy túrli baǵyttardaǵy yntymaqtastyqty tereńdetýge serpin qosady degen senim bar
Qazaqstan Respýblıkasynyń Syrtqy ister mınıstri Erlan Ydyrysov Astanaǵa resmı saparmen kelgen kanadalyq áriptesi Djon Berdpen kezdesý ótkizdi. Bul Kanada syrtqy saıasat vedomstvosy basshysynyń Qazaqstanǵa eki el arasynda dıplomatııalyq qarym-qatynas ornaǵan 1992 jyldan bergi alǵashqy resmı sapary bolyp tabylady.
Astana men Ottava arasyndaǵy túrli baǵyttardaǵy yntymaqtastyqty tereńdetýge serpin qosady degen senim bar
Qazaqstan Respýblıkasynyń Syrtqy ister mınıstri Erlan Ydyrysov Astanaǵa resmı saparmen kelgen kanadalyq áriptesi Djon Berdpen kezdesý ótkizdi. Bul Kanada syrtqy saıasat vedomstvosy basshysynyń Qazaqstanǵa eki el arasynda dıplomatııalyq qarym-qatynas ornaǵan 1992 jyldan bergi alǵashqy resmı sapary bolyp tabylady.
Kezdesý barysynda ekijaqty saıası jáne saýda-ekonomıkalyq yntymaqtastyqtyń keń aýqymy talqylandy. Bul baǵyttaǵy yntymaqtastyq Qazaqstan-Kanada qarym-qatynasynyń «lokomotıvi» bolyp tabylady. E.Ydyrysov Kanada TMD, Shyǵys jáne Ortalyq Eýropa elderi arasynda Qazaqstannyń basty saýda áriptesi ekenin atap ótti. Bul oraıda Qazaqstan da Kanada úshin Soltústik, Ortalyq jáne Ońtústik Amerıka memleketteri arasynda jetekshi áriptes bolyp sanalady. 2012 jyly ekijaqty saýda-sattyq kólemi 3,3 mlrd. AQSh dollaryn qurasa, ústimizdegi jyldyń qańtar-qyrkúıek aılary aralyǵynda ózara saýda kólemi 2 mlrd. dollarǵa jýyqtaǵan.
Eki eldiń ınvestısııalyq áriptestigi kelissózdiń mańyzdy taqyrybyna aınaldy. Taraptar atalǵan saladaǵy yntymaqtastyqty ári qaraı tereńdete berýdiń eki jaqqa da tıimdi ekenin atap kórsetti. Qazaqstan Ulttyq bankiniń derekterine qaraǵanda, Kanadanyń 1993 jyldan beri qaraıǵy Qazaqstanǵa salǵan tikeleı ınvestısııasynyń kólemi 6 mlrd. dollardan asyp túsken. Bul 9-shy oryn degendi bildiredi. 2012 jyldyń qorytyndysy boıynsha, Kanada Nıderlandymen, Qytaımen, Shveısarııamen, AQSh-pen, Belgııamen jáne Fransııamen birge Qazaqstannyń ekonomıkasyna mol qarjy salǵan jetekshi ınvestorlar qataryna engen. Kanadanyń byltyrǵy ınvestısııasy 743 mln. dollardy qurap otyr. Kanada ınvestısııasynyń negizgi aǵyny Qazaqstannyń munaı-gaz sektory men ýran óndirisine baǵyttalypty.
Suhbattastar, sondaı-aq, aýyl sharýashylyǵy men agroónerkásip kesheni salalaryndaǵy yntymaqtastyq máselelerin de talqylady. О́ıtkeni, bular ekijaqty qarym-qatynastyń mańyzdy baǵyttary bolyp tabylady. Kanadanyń aýyl sharýashylyǵy tehnıkalary men qural-jabdyqtary Qazaqstanda suranysqa ıe. Al Kanada úshin Qazaqstan – aýyl sharýashylyǵy men astyq qural-jabdyqtary rynogyndaǵy asa iri eksportshynyń biri.
Kezdesýde joǵaryda atalǵan máselelermen qatar, ıadrolyq qarýdy taratpaý salasyndaǵy yntymaqtastyq, bilim berý, sondaı-aq, Qazaqstan azamattary úshin vızalyq rejimdi jeńildetý máseleleri talqylandy.
Djon Berd ekeýara kezdesýden keıin buqaralyq aqparat quraldary ókilderiniń aldynda qysqasha pikirimen bólisti. Ol Memleket basshysy Nursultan Nazarbaevtyń ıadrolyq qarýdy taratpaý salasyndaǵy kóshbasshylyǵyn joǵary baǵalaıtynyn málimdedi. Onyń atap ótýinshe, Qazaqstan men Kanadanyń ınvestısııalyq yntymaqtastyǵy óte úlken áleýetke ıe jáne Kanada bizdiń elimizdi búkil Ortalyq Azııadaǵy ınvestısııalyq qyzmeti úshin tuǵyrnama retinde qarastyrady.
Sapar aıasynda Djon Berd Qazaqstan Premer-Mınıstriniń orynbasary – Indýstrııa jáne jańa tehnologııalar mınıstri Áset Isekeshevpen eki el úkimetteri arasyndaǵy atom energııasyn beıbit maqsatta paıdalaný salasyndaǵy yntymaqtastyq týraly kelisimge qol qoıdy. Bul qujat ekijaqty tıimdi yntamaqtastyqty tereńdetýge qajetti quqyqtyq negiz qalaýdy qamtamasyz etedi jáne Kanadanyń jańa tehnologııalary men jetekshi tájirıbesin elimizde engizýge jol ashatyn bolady dep kútilýde.
«Egemen-aqparat».