Astananyń Beıbitshilik jáne kelisim saraıynda Sankt-Peterbýrg qalasynyń Astanadaǵy kúnderine kelgen Reseı memlekettik orys orkestriniń oryndaýynda konsert boldy.
Ony Astana qalasynyń ákimi Imanǵalı Tasmaǵambetov pen Sankt-Peterbýrg qalasynyń gýbernatory Georgıı Poltavchenko quttyqtaý sózdermen ashty. Konsertke kelgen astanalyqtar men qonaqtarǵa sálem joldaǵan Imanǵalı Nurǵalıuly konserttiń aldynda Astana men Sankt-Peterbýrg qalalarynyń arasynda eki jylǵa arnalǵan yntymaqtastyq týraly kelisimge qol qoıylǵanyn jetkizdi. Bul kelisim qala qurylysy, kommýnaldyq sharýashylyq, kásipkerlik, týrızm, taǵy basqa birqatar salany qamtıdy.
Astananyń Beıbitshilik jáne kelisim saraıynda Sankt-Peterbýrg qalasynyń Astanadaǵy kúnderine kelgen Reseı memlekettik orys orkestriniń oryndaýynda konsert boldy.
Ony Astana qalasynyń ákimi Imanǵalı Tasmaǵambetov pen Sankt-Peterbýrg qalasynyń gýbernatory Georgıı Poltavchenko quttyqtaý sózdermen ashty. Konsertke kelgen astanalyqtar men qonaqtarǵa sálem joldaǵan Imanǵalı Nurǵalıuly konserttiń aldynda Astana men Sankt-Peterbýrg qalalarynyń arasynda eki jylǵa arnalǵan yntymaqtastyq týraly kelisimge qol qoıylǵanyn jetkizdi. Bul kelisim qala qurylysy, kommýnaldyq sharýashylyq, kásipkerlik, týrızm, taǵy basqa birqatar salany qamtıdy.
Keden odaǵynyń qurylýymen arta túsken saýda-ekonomıkalyq kórsetkishter ústimizdegi jyldyń 8 aıynda 15,2 mlrd. dollarǵa jetip otyr. Búgingi kúni Qazaqstanda reseılik kapıtaldyń qatysýymen qurylǵan 4 myńnan artyq kásiporyn jumys isteıdi, deı kelip, I.Tasmaǵambetov yntymaqtastyqtyń úlken bóligi mádenı-gýmanıtarlyq salany qamtıtynyn aıtty. Osy oraıda, biz Reseıdiń mádenı astanasy – Sankt-Peterbýrgpen aradaǵy áriptestiktiń ulǵaıa túskenine qýanamyz. Búgin sizderdiń aldaryńyzda óner kórsetkeli otyrǵan orkestrdiń de bizdiń eldiń turǵyndaryna qaıtalanbas qýanysh syılaryna senimdimin. О́ner tilimen beriletin jan lázzatyn eshqandaı sózben jetkize almaısyń. Sondyqtan da búgingi kesh ónersúıer qaýymnyń esinde uzaq ýaqyt saqtalary sózsiz, dedi ol.
Jaýap sózinde G.Poltavchenko Sankt-Peterbýrg pen Qazaqstannyń ejelden áriptes ekenin aıtty. Bizdiń qalamyz qazaq halqynyń uly aqyny Jambyl Jabaevty umytpaı, árqashan eske alyp otyrady. Lenıngrad qorshaýynyń qaterli jyldarynda onyń «Lenıngradtyq órenim, Maqtanyshym sen ediń...» degen jalyndy óleń joldary bizdiń qala turǵyndarynyń jandaryna jalyn, júrekterine qýat berdi. Kóptegen adamdar ómirden úmitin úzbeı, Jambyldyń qýatty jyrlarynan kúsh alyp qana tiri qaldy. Qazir qalamyzda Jambylǵa eskertkish ashylǵan, onyń atynda kóshe de bar. Sol jyldary bizdiń qalamyzdyń turǵyndarymen qatar, myńdaǵan qazaqstandyqtar da ortaq jaýǵa qarsy erlikpen shaıqasty. Búgingi sanktpeterbýrgtikter Qazaqstannyń bizdiń shaharymyzǵa sińirgen sol eńbekterin umytpaıdy, deı kelip, gýbernator Astana qalasynyń turǵyndaryna syılyq retinde belgili orkestrdiń konsertin ákelgenin aıtty.
Halyq aspaptarynyń súıemeldeýimen óner kórsetetin ujym ózderiniń kórkemdik jetekshisi, Reseıdiń eńbek sińirgen óner qaıratkeri Vladımır Popovtyń basqarýynda sizderge tamasha kesh syılaıtynyna senimdimin, dep bitirdi gýbernator óziniń sózin.
Osydan ári konserttik orkestr óz ónerlerin ortaǵa salyp, A.Sheıkmannyń «Korabeınıkı», A.Alıabov pen A.Vetannyń «Soloveı», S.Rahmanınovtyń «Ne poı, krasavısa, prı mne», jáne t.b. kompozıtorlardyń jáne «Vdol po Pıterskoı», «An, Nastasıa!» sekildi orystyń halyq ánderin oryndady. Orkestrdiń solısteri halyqaralyq konkýrstardyń laýreattary Marııa Lıtke (soprano) men Evgenıı Kýngýrov (barıton) eken.
Uzyn-sany 34 vırtýoz-mýzykanttardan turatyn orkestr, sóıtip, astanalyqtarǵa umytylmas kesh syılady.
Jaqsybaı SAMRAT,
«Egemen Qazaqstan».
Sýretterdi túsirgen
Erlan OMAROV,
«Egemen Qazaqstan».