Ákimder saılaýy kópshilik kóńilinen shyǵatyndaı deńgeıde ótti

Táýelsiz elimizdiń Tuńǵysh Prezı­den­ti – Elbasy Nursultan Nazar­baevtyń tikeleı bastamasymen jáne «Qazaqstan-2050» Stra­tegııasynda jergilikti ózin ózi basqarýdy odan ári damytý tý­raly berilgen tapsyrmasyna sáıkes aýdandyq mańyzdaǵy qa­lalardyń, aýyldyq okrýgterdiń, aýyldyq okrýg quramyna kir­meıtin kentter men aýyldardyń ákimderin saılaý tabys­ty ótti.

Táýelsiz elimizdiń Tuńǵysh Prezı­den­ti – Elbasy Nursultan Nazar­baevtyń tikeleı bastamasymen jáne «Qazaqstan-2050» Stra­tegııasynda jergilikti ózin ózi basqarýdy odan ári damytý tý­raly berilgen tapsyrmasyna sáıkes aýdandyq mańyzdaǵy qa­lalardyń, aýyldyq okrýgterdiń, aýyldyq okrýg quramyna kir­meıtin kentter men aýyldardyń ákimderin saılaý tabys­ty ótti.

Bul oqıǵa, shyn máninde, ha­lyqtyń kóńilinen shyqqan de­mo­kratııalyq saılaý úderisiniń aıqyn kórinisi boldy. Atap aıtqanda, bıylǵy 5-9 tamyz aralyǵynda óńirlerde 2457 aýyl ákiminiń saılaýy ótkizildi.

Endi osy saılaýdyń uıym­das­tyrylý jáne ótý barysyna qys­qasha toqtala keteıin. Mysaly, zańnamaǵa sáıkes, jergilikti qo­ǵam­dastyqpen júrgizilgen keńesýlerden keıin saılaýǵa 6740 úmitker qatysty (ortasha eseppen alǵanda bir orynǵa 3 úmitker tústi).

Aýyl ákimderiniń saıası qyz­met­shiler sanatynan ákimshilik qyzmetshiler sanatyna aýysýyna baılanysty olarǵa tuńǵysh ret jasy (25 jastan joǵary), bilimi jáne eńbek ótili boıynsha biliktilik talaptary qoıyldy. Sonyń nátıjesinde buryn jumys istep kelgen 100 aýyl ákimi biliktilik talaptaryna saı bolmaýyna baılanysty bul jolǵy saılaýǵa qatystyrylmady.

Barlyq saılaý zańdylyqtary to­lyq saqtaldy deýge negiz bar. Saılaýdyń qorytyndylary boıyn­sha 2454 kandıdat tıisti aýdan­nyń (qalanyń) máslıhattary depý­tattarynyń jasyryn daýys berýi­men 4 jylǵa ákim bolyp saılandy.

Bul rette, Mańǵystaý jáne Pavlodar oblystarynyń 3 aýyl­dyq okrýginde úmitkerler teń daýysqa ıe boldy. Osyǵan baılanysty 2013 jylǵy 28 tamyzda bul okrýgterde qaıtadan saılaý ótkizildi.

Ákimder saılaýyna áıel adamdardyń, ásirese, basqa da mamandyq ıeleriniń kópshiligi óz kandıdatýralaryn usyndy. Olarǵa saılaý zańdylyqtaryna sáıkes, barlyq jaǵynan teń quqyq berilip, teńdeı kómekter kórsetilip, keńester berilip, jan-jaqty jaǵdaı jasaldy.

Naqty derekterge súıensek, saılanǵan aýyl ákimderiniń arasynda áıelder – 280 (11,4%), qa­zaqtar – 2247 (91,5%), basqa ult ókilderi – 207 (8,5%) boldy. Al ákimderdiń ortasha jasy – 47 jas. Sonymen qatar, 1741 aýyl ákimi (71%) qaıta saılandy.

Saılanǵandar arasynda 2249 adam (91,6%) «Nur Otan» par­tııasynyń músheleri bolsa, 203-i – partııada joqtar jáne 2-eýi – «Aq jol» partııasyna múshe bolǵan azamattar.

Jalpy alǵanda, saılaý naýqa­ny ákimderge úmitkerlerden, saıa­sı partııalardan, qoǵamdyq birlestikterden jáne buqaralyq aqparat quraldarynan baıqaý­shy­lardyń qatysýymen zańǵa tolyqtaı sáıkes ári qatań talap­tarǵa saı ótti.

Taǵy da atap óterlik jaıt, saı­laý kezeńinde jetekshi respýb­lı­kalyq, óńirlik buqaralyq aqparat quraldarynda jáne ınter­net resýrstarynda 2000-nan astam oń sıpattaǵy materıaldar jarııa­landy.

Saılaýdy baıqaýǵa Qazaq­stan­nyń belgili qaıratkerleri, ǵalymdary, Qazaqstan halqy Assambleıasy, iri qoǵamdyq bir­lestikter men jastar qoz­ǵa­lysy ókilderinen turatyn Res­pýblıkalyq qoǵamdyq komıssııa qatysty.

Komıssııa músheleri kóp­te­gen óńirde bolyp, zańdy, demo­kra­tııalyq jáne ashyq ótken saılaýǵa joǵary baǵa berdi.

Halyqaralyq jáne qazaq­stan­dyq sarapshylardyń pikiri boıynsha, aýyl ákimderiniń tańdap alynǵan saılaý úlgisi Jergilikti ózin ózi basqarýdyń eýropalyq hartııasynyń standarttaryna saı bolyp tabylady.

Saılanǵan aýyl ákimderiniń tıimdi jumysyn qamtamasyz etý maqsatynda olarǵa 67 fýnksııa bekitildi, óńirlerge qosymsha 5420 shtat birlikteri berildi jáne qarjy bólindi.

Búgingi kúni oblys ákim­deri­ aýyldyq apparattardy­ qa­lyp­tastyrdy, sondaı-aq, ońtaı­lan­­dyrý esebinen shtattyń bir bó­ligi iri aýdandardy nyǵaıtýǵa jiberildi.

Aýyldyq deńgeıdegi ákimder­ge derbes tabys kózderin qalyp­tas­tyrý quqyǵy berildi. Atap aıtqanda, múlikti jalǵa berý, qaıyrymdylyq jáne demeýshilik jarnalary, jekelegen aıyppul túrleri, jarnamany ornalas­tyrý úshin tólemder jáne t.b. jóninde sheshim qabyldaý olardyń quzyretine jatatyn bolady.

Osy oraıda, aýyldyń damýyna jumsalatyn shyǵystar jergilikti halyqtyń tikeleı qatysýymen júzege asyrylady.

Tutastaı alǵanda, aýyl ákim­deri­niń saılaýyn halyq oń qa­byldady, saılaý naýqany qalypty jaǵdaıda ótti jáne Qazaqstan qo­ǵamynyń jetilgendigi men damy­ǵanyn, sondaı-aq, Qazaqstan Respýblıkasynyń Prezıdenti – Elbasy N.Á.Nazarbaev júr­gizip otyrǵan reformalarǵa kór­setilgen senimi men qoldaýynyń joǵary deńgeıin taǵy da dáleldep berdi.

Ámirhan RAHYMJANOV,

Qazaqstan Respýblıkasy Pre­zı­denti Ákimshiligi Memlekettik baqylaý jáne aýmaqtyq-uıym­das­tyrý jumysy bóliminiń meń­gerýshisi.