Oblys ortalyǵyndaǵy Toraigyrov University, Inovasııalyq Eýrazııalyq, pedagogıkalyq ýnıversıtette oqý oryndarynyń daıyndyq bólimderine shetelden kelip oqıtyn qazaq jastarynyń sany kóbeıýde, dep habarlaıdy Egemen.kz.
Indet bastalmaı turyp, jyl saıyn grant sany da kóbeıip, oqýǵa kelgen jastarǵa jataqhana berildi.
Al, Toraigyrov University-niń "Foundation" daıyndyq fakýlteti alǵash 2014 jyly ashylǵanda 50 jas kelgen bolatyn.
Aýǵanstan, Túrkimenstan, О́zbekstan, Qytaı jáne Mońǵolııadan kelgen 178 jas, olardyń 107-si Toraigyrov University-de, 36-sy InEÝ-de, 35-i PMPÝ-de oqydy.
"Dúnıejúzi qazaqtar qaýymdastyǵy" oblystyq fılıalynyń tóraǵasy Bolat Zaýyttyń aıtýynsha, Elbasy 2017 jyly "Dúnıejúzi qazaqtary" 5 shi quryltaıynda sheteldegi qandastarǵa qoldaý kórsetý boıynsha birqatar tapsyrma bergen bolatyn.
Nátıjesinde 40 shaqty elde turatyn qandastarymyzǵa rýhanı, mádenı jáne iskerlik jaǵdaı jasaý maqsatynda memlekettik baǵdarlama ázirlendi. Sonyń bir baǵyty – shet eldegi qandastardyń elimizdiń tańdaýly joǵary oqý oryndarynda bilimin jetildirý, ári qaraı óz qalaýymen magıstratýra jáne doktorantýraǵa túsýine múmkindik jasaý.
"Bul jastar daıyndyq kýrstarynan keıin UBT tapsyryp, ózderi tańdaǵan joǵary oqý oryndaryna túse alady", - deıdi Bolat Zaýytuly.
Toraigyrov University Foundation fakýlteti dekanynyń orynbasary Alýa Jahanqyzynyń sózinshe, byltyr Aýǵanstan elinen jastar kelgen.
Aı saıyn 17807 teńge kóleminde shákirtaqy alady, jylyna bir ret otbasyna baryp-qaıtatyn jolaqysy tólenedi. Tegin azyq-túlik beretin demeýshiler de bar, ártúrli mereke kezinde tort, tátti toqash jetkizip berip turady.
Byltyr oqyǵan 79 stýdenttiń 55-i óz jerimizde qalǵan. Al qalǵandary basqa joǵary oqý oryndary men kolledjderge túsken.
Pavlodar oblysy