Memleket basshysy Nursultan Nazarbaev Ishki ister mınıstri Qalmuhanbet Qasymovty qabyldady, dep habarlady Prezıdenttiń baspasóz qyzmeti.
Memleket basshysy Nursultan Nazarbaev Ishki ister mınıstri Qalmuhanbet Qasymovty qabyldady, dep habarlady Prezıdenttiń baspasóz qyzmeti.
Mınıstr eldegi qylmystyq jaǵdaıdyń jaı-kúıi, qylmysqa qarsy kúresti kúsheıtý sharalary jáne qoǵamdyq quqyq tártibin qamtamasyz etý týraly baıandady.
Qazaqstan Prezıdenti jasalǵan barlyq quqyq buzýshylyqty túgel tirkeý jáne qylmystyń aldyn alýdyń júıeli júrgizilýi qajettigine taǵy da nazar aýdardy.
О́z kezeginde Q.Qasymov quqyq buzýshylyqtyń barlyq túrin túgel tirkeý esebinen olardyń sany 28%-ǵa artqanynan habardar etti. Bul rette keıbir asa aýyr qylmystyń – 13%-ǵa, kisi óltirýdiń 13,5%-ǵa tómendegeni, sondaı-aq, tonaý men qaraqshylyq derekteriniń azaıýy baıqalǵany atap ótildi.
Buǵan qosa, Memleket basshysy elimizdiń kólik joldarynda apattyń kóbeıgenine jáne ony azaıtý úshin sharalar qabyldaý qajettigine toqtaldy.
– Búginde elimizde jol-kólik oqıǵalary saldarynan joldarda adamdardyń opat bolýy jıi oryn alýda. Mysaly, jyl basynan beri jol júrý erejelerin buzýdyń 2,5 mıllıonǵa jýyq, mas kúıinde kólik júrgizýdiń 26 myń faktisi tirkelgen, 2400 adam qaza bolyp, 80 myńnan astam adam zardap shekken, – dedi Nursultan Nazarbaev.
Ishki ister mınıstri Úkimettiń bıylǵy qazan aıyndaǵy keńeıtilgen otyrysynda jol qaýipsizdigin qamtamasyz etý máseleleri jóninde Prezıdent bergen tapsyrmalardy iske asyrý barysy týraly málimdedi.
– Jol júrý erejelerin buzǵany úshin jaýapkershilikti qataıtýǵa baǵyttalǵan tıisti normatıvtik quqyqtyq aktilerge ózgerister men tolyqtyrýlar ázirlendi. Mysaly, jyldamdyq rejimin 40 km/saǵattan arttyrǵany úshin jáne qarsy baǵytqa shyǵyp ketkeni úshin kólik júrgizý quqyǵynan aıyrý, al mas kúıinde kólik júrgizgeni úshin 500 aılyq eseptik kórsetkish túrinde aıyppul salý, 300 saǵat qoǵamdyq jumysqa salý nemese sot sheshimimen 6 aı ákimshilik qamaýǵa alý túrindegi jaýapkershilik kózdeledi, – dedi Q.Qasymov.
Kezdesý qorytyndysynda Memleket basshysy quqyq qorǵaý qyzmetiniń tıimdiligin odan ári arttyrýǵa, qylmystyq ozbyrlyqtan azamattar quqyǵyn qorǵaý jónindegi sharany kúsheıtýge, ishki ister organdarynda zańdylyq pen tártipti nyǵaıtýǵa baılanysty birqatar naqty tapsyrmalar berdi.