Prezıdent janyndaǵy Memlekettik basqarý akademııasynda "A" korpýsynyń memlekettik qyzmetshilerin qaıta daıarlaý kýrstary bastaldy, dep habarlaıdy Egemen.kz.
QR MQIA tóraǵasy Anar Jaılganova búgin QR Prezıdenti janyndaǵy Memlekettik basqarý akademııasynda «A» korpýsynyń memlekettik qyzmetshilerine arnalǵan qaıta daıarlaý kýrstarynyń ashylýynda sóz sóılep, atalǵan kýrs QR Tuńǵysh Prezıdenti – Elbasy N.Á. Nazarbaevtyń qoǵam qajettilikterine baǵyttalǵan zamanaýı memlekettik apparattyń talaptaryna jaýap beretin basshylardy daıarlaý týraly tapsyrmasyn iske asyrý maqsatynda júrgizilip jatqanyn atap ótti.
Kýrsty Memlekettik basqarý Akademııasy men Nazarbaev Ýnıversıteti uıymdastyryp otyr.
«A» korpýsy - bul saıası basshylyq pen oryndaýshylyq býyn arasyndaǵy ózara baılanysty qamtamasyz etýge arnalǵan kásibı basqarýshylyq býyn.
Baǵdarlamaǵa qatysýshylar - memlekettik basqarý, kadr saıasaty, sheshim qabyldaý júıesi tásilderin jáne basqa da birqatar basym máselelerdi ózgertý boıynsha aldyna mańyzdy mindetter qoıylǵan tájirıbeli, qalyptasqan iri qurylymdardyń basshylary.
Vedomstvo basshysy Anar Jaılǵanova elimizdiń Tuńǵysh Prezıdenti – Elbasy N.Á.Nazarbaevtyń «saıası kóshbasshylar saıasatty qalyptastyrady, kásibı memlekettik qyzmetkerler onyń oryndalýyn qamtamasyz etedi»-degen sózin atap ótti.
Strategııalyq kóshbasshylyq, ózgeristerdi basqarý jáne tıimdi kommýnıkasııalar sııaqty quzyretter Prezıdent Q.K. Toqaevtyń aǵymdaǵy jylǵy 1 qyrkúıektegi joldaýynda qoıylǵan mindetterdi jedel jáne sapaly sheshý qajettiligi - ekonomıkalyq ósý qarqynyn qalpyna keltirý, halyqtyń ómir súrý sapasyn jaqsartý qajettiligi jáne memlekettik organdar qyzmetiniń tıimdiligin túbegeıli arttyrý jaǵdaıynda óte ózekti.
«Memlekettik basqarý men qoǵamdyq damýdaǵy júıeli ózgeristerdiń qazirgi zamanǵy trendteri men joǵary qarqyny eldiń strategııalyq mindetterin tıimdi sheshý úshin ınnovasııalyq jáne ınklıýzıvti oılaý qabileti bar basshylardyń jańa býynyn qalyptastyrýdy talap etedi», - dep qorytyndylady Anar Jaılǵanova.