Elimizde respýblıkalyq mańyzy bar avtomobıl joldaryna ortasha jóndeý jumystaryn júrgizý jalǵasyp jatyr. Búginge deıin jolshylar joldyń 90%-yn qalypqa keltirgen.
Anyqtalǵany, bıyl ortasha jóndeý boıynsha barlyǵy 66 joba júzege asyrylýda. Onyń 13-i – aýyspaly bolsa, 53-i –jańa jobalar. Búginde respýblıkalyq avtojoldardyń 948,5 shaqyrymy qalypqa keltirilgen. Jabyndyny jonǵylaý men jaryqtardy quıý boıynsha jumys atqaryldy. Avtojoldardyń 500 shaqyrymǵa jýyǵyna resaıklıng ádisi júrgizilip, 144 shaqyrymyna jabyndy tóseldi. Budan bólek, jolshylar 12,42 shaqyrym jerge qorǵaýshy qabat ornatqan.
Sondaı-aq tozyǵy jetken jol qabattary kelesideı ýchaskelerde qalypqa keltirildi: «RF shekarasy (Samara) – Shymkent», «Dossor – Qulsary – Beıneý – Saı – О́tes – Shetpe – Jetibaı – Aqtaý porty», «Kókshetaý qalasy arqyly «Nur-Sultan – Petropavl», «Býrabaı kýrorttyq aımaǵynyń joldary», «Kókshetaý qalasynyń aınalma joly» (áýejaıǵa barar jolmen birge), «Kókshetaý – Atbasar», «Almaty – Kókpek – Shonjy – Kóktal – Qorǵas», «Kókpek – Kegen – Qazaqstan shekarasy (Túp)», «Almaty – О́skemen (Taldyqorǵan qalasynyń aınalma joly)», «Atyraý – Oral», «Qaraǵandy – Aıagóz – Tarbaǵataı – Boǵaz», «Chapaevo – Jalpaqtal – Kaztalovka – RF shekarasy», «Qyzylorda – Pavlodar – Ýspenka – RF shekarasy», «Qyzylorda – Pavlodar», «Jaırem – Qarajal – Atasý», «Aqshataý – Aǵadyr – Ortaý» avtojoly, «Qyzylorda – Pavlodar», «Nur-Sultan – Qabanbaı batyr – Entýzıast – Kıevka – Temirtaý», «Pavlodar – Sharbaqty – RF shekarasy», «Lenın – Ertis – Rýsskaıa Polıana», «Kókshetaý – Rýzaevka», «Mamlıýtka – Qostanaı», «RF shekarasy (Ekaterınbýrg) – Almaty», «Jızaq – Gagarın – Jetisaı – Kırov – Qyzylásker – Saryaǵash – Abaı – Jibek joly».
Aıta keteıik, jyldyń sońyna deıin respýblıkalyq joldardyń 1 056,6 shaqyrymy qalypqa keltiriledi.