Qorshaǵan orta jáne sý resýrstary mınıstri Nurlan Qapparov Qyzylorda oblysyna qyzmettik issaparmen baryp qaıtty, dep habarlady osy mınıstrliktiń baspasóz qyzmeti.
Qorshaǵan orta jáne sý resýrstary mınıstri Nurlan Qapparov Qyzylorda oblysyna qyzmettik issaparmen baryp qaıtty, dep habarlady osy mınıstrliktiń baspasóz qyzmeti.
Sapar barysynda mınıstr Qyzylorda oblysynyń ákimi Qyrymbek Kósherbaev jáne Indýstrııa jáne jańa
tehnologııalar vıse-mınıstri Nurlan Saýranbaevpen birge Shıeli aýdany Bala-Saýysqandyq kenishindegi vanadııli kvarsıtterdi óndirý jáne óńdeý zaýytyna baryp, vanadıı óndirýdiń tehnologııalyq úderisimen tanysty. Osynda mamandarmen birge aýmaqta metallýrgııalyq klasterdi damytý barysyndaǵy tabıǵatty qorǵaý sharalaryn iske asyrý máseleleri talqylandy.
Jańaqorǵan aýdanynda N.Qapparov, Q.Kósherbaev jáne N.Saýranbaev Shalqııa ken ornyna baryp, jylyna 4 mıllıon tonna qorǵasyn-sınk rýdasyn óńdeıtin ken baıytý fabrıkasynyń qurylysymen, kenishti keńeıtý jobasyn daıyndap jatqan «Shalqııa Sınk LTD» kásipornynyń qyzmetimen tanysty.
Mınıstr TOO «SKZ-U» zaýytynda, vahtalyq kentte, kún elektr stansasynda, sondaı-aq, kásiporynnyń energetıkalyq kesheninde bolyp, olardy aralap kórdi. Kúkirt qyshqylyn shyǵaratyn zaýyttyń tehnologııalarymen tanysty. Bul kásiporynnyń óndirisi ekologııalyq tazalyǵymen erekshelenedi jáne Qazaqstannyń atom ónerkásibi júıesindegi mańyzy zor nysan bolyp tabylady.
N.Qapparov pen Q.Kósherbaev Syrdarııa ózeni boıynda matalyq materıaldardan jasalǵan úrlemeli sý toǵanyn iske qosý rásimine qatysty. Bul nysannyń qurylysyna Qorshaǵan orta jáne sý resýrstary mınıstrligi respýblıkalyq bıýdjet qarajatynan 1 mıllıard teńge bólgen bolatyn. Aýdandaǵy kanaldar men gıdrotehnıkalyq ǵımarattardy jańǵyrtý jobasynyń ekinshi kezegin júrgizý aıasynda iske qosylyp otyrǵan toǵan jylyna 500 mıllıon tekshe metrge deıin sýdy únemdeýge, aýyl sharýashylyǵy alqaptaryn sýmen qamtamasyz etý isin edáýir jaqsartýǵa múmkindik beredi.