Almaty qalasynyń bas sanıtarlyq dárigeri Jandarbek Bekshın "Medeý" men "Shymbulaq" kýrortynyń karantın ýaqytynda qalaı jumys isteıtinin aıtty, dep habarlaıdy Egemen.kz
"Osy týrıstik nysandarǵa kelsek, olardyń oń jáne teris tustary bar. Ashýǵa tyıym salynatyn sebebi – adam kóp jınalady. Jaqsy jaǵyna kelsek, bul jerde ýltrakúlgin sáýle kóp. Ol álbette vırýsty joıýǵa septigin tıgizedi", dedi Jandarbek Bekshın.
Sonymen qatar bas sanıtarlyq dáriger "Shymbulaq" taý shańǵysy kýrortyn ashý týraly usynys túspegenin aıtty. "Medeý" muz aıdyny basshylyǵynyń usynysyn qazir qalalyq Taýarlar men qyzmetterdiń sapasy men qaýipsizdigin baqylaý departamenti baqylaýǵa alǵan.
Buǵan deıin Almatyda koronavırýs boıynsha epıdemııalyq ahýal kúrdelenip kele jatqany aıtylǵan edi. Osyǵan oraı ol shetelge barýdan ýaqytsha bas tartýdy usyndy.
Sonymen qatar, qalada PTR taldaýynyń qýatyn táýligine 22 myńǵa jetkizý kózdelgen. Odan bólek Almatyda qandaı jaǵdaıda lokdaýn engiziletini anyqtaldy.