Jańadan qurylǵan «Birlik» saıası partııasynyń «Táýelsizdik tanytqan talanttar» atty jobasy boıynsha saýsaǵynan bal saýlaǵan sańlaqtar marapattaldy.
«Birlik» saıası partııasynyń tóraǵasy Serik Sultanǵalı BAQ ókilderimen bolǵan baspasóz máslıhatynda: «Partııanyń baǵdarlamasynda daryndy jastarǵa udaıy qoldaý kórsetip otyrý kózdelgen. Táýelsizdik tusynda dúnıege kelgen órenderdiń shyǵarmashylyǵyna qanat bitirý maqsatynda qolǵa alynǵan shara munymen shektelmeıdi, festıval boıynda óneri bar, óz kásibin súıetin talantty ul-qyzdarymyzdy turaqty túrde demeýge arnalǵan
Jańadan qurylǵan «Birlik» saıası partııasynyń «Táýelsizdik tanytqan talanttar» atty jobasy boıynsha saýsaǵynan bal saýlaǵan sańlaqtar marapattaldy.
«Birlik» saıası partııasynyń tóraǵasy Serik Sultanǵalı BAQ ókilderimen bolǵan baspasóz máslıhatynda: «Partııanyń baǵdarlamasynda daryndy jastarǵa udaıy qoldaý kórsetip otyrý kózdelgen. Táýelsizdik tusynda dúnıege kelgen órenderdiń shyǵarmashylyǵyna qanat bitirý maqsatynda qolǵa alynǵan shara munymen shektelmeıdi, festıval boıynda óneri bar, óz kásibin súıetin talantty ul-qyzdarymyzdy turaqty túrde demeýge arnalǵan. Al endi keshegi bir kezeńderge zer salar bolsaq, qazaq eli aqyndar men batyrlarǵa, erekshe daryn ıelerine eshqashan kende bolyp kórmegen. Alaıda, ol kezeńder men búgingi egemendik alǵan ýaqyttan bergi qol jetken tabystardyń arasynda aspan men jerdeı aıyrmashylyq bar. Sondyqtan túrli saladaǵy jańadan búr jaryp kele jatqan jas daryndarǵa qaı kezde de qamqorlyq kórsete bilýdiń jóni óz aldyna bólek bolyp sanalady», – dep atap ótti.
«Ádebıet», «Sýret óneri», «Dástúrli óner», «Erekshe daryn ıesi», «Ulttyq qoldanbaly óner sheberi jáne sport», sonymen qatar «Mamandyǵym – maqtanyshym» atalymdary boıynsha jeńimpazdardy marapattaýshylar qatarynda Parlament Senatynyń depýtattary Nurlan Orazalın, Aqan Bıjanov, «Atameken odaǵy» ulttyq ekonomıkalyq palatasy» basqarmasynyń tóraǵasy Abylaı Myrzahmetov, «MuzArt» tobynyń ánshisi Sáken Maıǵazıev sııaqty taǵy da basqa azamattar bar. Jas daryndardyń shyǵarmashylyǵyna qoldaý kórsetý maqsatynda ótkiziletin festıvaldiń maqsat-muraty baǵdarlamada ap-aıqyn kórsetilgen. Mádenıet, ádebıet álemine úlesin qosyp júrgen jas qalamgerler men dramatýrgterdiń shyǵarmashylyǵyn damytý, olarǵa qoldaý kórsetý. Qazirgi zamannyń estetıkalyq talabyna saı dramalyq shyǵarmalardyń jańa úlgilerin tapqan jas qalam ıeleri týyndylarynyń jaryq kórýine yqpal etý. Dástúrli ónerimizdi keńinen nasıhattap, ulttyq qundylyqtarymyzdy mıras etýshi jas talanttardy qoldaý. Kásibı-tehnıkalyq biligi joǵary jumysshy mamandardy yntalandyrý maqsatynda olardyń ishindegi úzdikterine arnaıy syılyqtar taǵaıyndaý.
«Talanttyǵa – nur jaýar» demekshi, elimiz táýelsizdikke qol jetkizgen jyldarda daryndy jastardy qoldaý maqsatynda qanshama mádenı sharalar uıymdastyrylyp keledi. Talaı bulaqtyń kózin ashqan básekeli báıgeler taǵy bar degendeı. Biraq olardyń ara-jigin áıteýir bir ózgeshe qyry bólip turýy kerek emes pe? Iаǵnı ınkýbatordyń balapanyndaı birinen biri aýmaı qalmaı, birinshisin ekinshisi qaıtalamaı, ózindik qoltańbasymen erekshelense qandaı ǵanıbet. Sol sııaqty mysaly, «Táýelsizdik tanytqan talanttar» jobasy shyǵarmashyl jastardyń «Shabyt» festıvaliniń kóshirmesi emes. Ishinde ózgelerge qaraǵanda jas qalamgerlerge kóbirek kóńil bólingeni unady. Úzdikterdiń tizimine zer salsańyz, tarazdyq Qanat Tilepbergen, shyǵysqazaqstandyq Azamat Tasqarauly, almatylyq Álibek Baıbol men Almas Núsip, altaılyq Retbek Maǵazuly, jambyldyq Tabıǵat Abaıldaev syndy jas aqyn-jazýshylarmen tanys bolasyz. Olardyń birazy osyǵan deıin de talaı márte baq synap, jeńistiń dámin tatyp úlgergen jandar eken. Muny – bir deńiz. Ekinshiden, buryn-sońdy sheber slesar, sheber dánekerleýshi, sheber operator degen mamandyqtarǵa qurmet kórsetilgen respýblıkalyq deńgeıdegi mádenı sharany kórgen be edińiz. Kórmesek, munan bylaı osy festıvalden kóretin bolamyz. Saýsaǵynan bal saýlaǵan jandardy qarapaıym eńbek adamdarynyń da arasynan izdeı bastaǵan festıval ıdeıasy quptarlyq. Bul oraıda atyraýlyq Nurlan Súıirǵulovtyń, ońtústikqazaqstandyq Nurdáýlet Rahymbekovtiń, tarazdyq Igor Gomınniń mereıi ústem boldy. Eńbekke degen qurmet sezimin oıatatyn mundaı ıgilikter laıym kóbeıe bersin degen tilek bildirgimiz keledi.
Qarashash TOQSANBAI,
«Egemen Qazaqstan».
Sýretti túsirgen
Igor BÝRGANDINOV.