Qaýipti indet Jylyoı aýdanyndaǵy Teńiz kenishi men Atyraý qalasynda kóbirek tirkelip otyr. Sońǵy eki táýlikte 20 adam koronavırýs ınfeksııasyn juqtyrǵany anyqtaldy, - dep habarlaıdy Egemen.kz
Oblystyq densaýlyq basqarmasy baspasóz qyzmetiniń málimetinshe, 19 qazanda Teńiz kenishiniń 9 jumysshysy koronavırýs juqtyryp edi. О́tken táýlikte olardyń qataryna taǵy da úsh naýqas qosyldy. Al Atyraý qalasynda sońǵy eki táýlikte 9 adamnyń koronavırýs ınfeksııasyn juqtyrǵany belgili boldy.
"О́tken táýlikte koronavırýs indetinen úı jaǵdaıynda em alyp jatqan 32 adam jazylyp shyqty. Qazir 114 naýqas úı jaǵdaıynda em qabyldaýda" dep habarlady basqarmanyń baspasóz qyzmeti.