Ekonomıkalyq saıasat, ınnovasııalyq damý jáne kásipkerlik komıtetiniń depýtattary parlamenttik tyńdaýǵa daıyndyq aıasynda Aýyl sharýashylyǵy mınıstrligi men Saýda jáne ıntegrasııa mınıstrliginiń basshylarymen kezdesti, dep habarlaıdy Egemen.kz.
Komıtet tóraǵasy Dáýren Ádilbekov buǵan deıin shaǵyn jáne orta kásipkerliktiń, bıznes qaýymdastyqtarynyń ókilderimen, sondaı-aq "Atameken" ulttyq kásipkerler palatasynyń jáne "Damý" kásipkerlikti qoldaý qorynyń basshylyǵymen kezdesýler ótkenin atap ótti.
Senatorlar jeńildikti qarjylandyrýǵa qol jetkizý, saýdaǵa shyǵarý aldyndaǵy qyzmet kórsetý, eksporttalatyn taýarlardy sertıfıkattaý, agrarlyq sektordaǵy shaǵyn jáne orta bıznesti damytýdy tejeýshi máselelerge, sondaı-aq salalyq mekemelerdiń shaǵyn jáne orta bıznesti qoldaý jóninde qabyldap jatqan sharalarǵa nazar aýdardy. Senat depýtattary elimizdegi ishki saýda jáne shet eldermen saýda yntymaqtastyǵy jónindegi aqparattyq málimetterdi, sondaı-aq búgingi kúni qandaı kedergiler bar ekenin surady.
Kezdesý barysynda otyrysqa qatysýshylar shaǵyn jáne orta bıznesti odan ári damytýdy kózdeıtin usynystar engizdi jáne kásipkerlik máselelerin retteıtin zańnamany jetildirý qajettigin talqylady. Senatorlar kelip túsken suraqtar men usynystardy parlamenttik tyńdaýda talqylaý úshin odan ári pysyqtaý qajet dep sanaıdy jáne tıisti usynymdar ázirlenedi.