Demalys kúnderi "Han Shatyr" SO aldyndaǵy alańda aýyl sharýashylyǵy jármeńkesi ótedi, dep habarlaıdy Egemen.kz ákimdiktiń baspasóz qyzmetine silteme jasap.
24-25 qazanda "Han Shatyr" SO janyndaǵy alańda kezekti aýyl sharýashylyǵy jármeńkesi ótedi, dep habarlaıdy ákimdiktiń resmı saıty.
Oǵan "Magným" iri saýda jelisi jáne QR Et odaǵynyń músheleri, sondaı-aq óńirlerden aýyl sharýashylyǵy taýaryn óndirýshilerdiń kóterme saýda jetkizýshileri qatysady. Uıymdastyrýshylardyń aıtýynsha, baǵalar naryqtyq baǵadan 10-15% tómen.
Qaraǵandy jáne Aqmola oblystarynyń sharýa qojalyqtary jylqy etin 1900 teńgeden (qazy, jaıaý 2100 teńgeden) satady jáne sút ónimderin ákeledi. Túıetaýyq etin Aqtóbe oblysynyń sharýa qojalyqtary usynatyn bolady. “Et Odaǵynan” sıyr eti 1700 teńgeden satylady. Pavlodar jáne Soltústik Qazaqstan oblystarynyń taýar óndirýshileri birinshi jáne joǵary suryptaǵy un, raps jáne kúnbaǵys maıyn usynatyn bolady. Baldy Shyǵys Qazaqstan jáne Aqmola oblystarynyń omartashylary ákeledi. Kókónis ónimderin: qyryqqabat, sábiz, qyzylsha, pııazdy Aqmola oblysynyń taýar óndirýshileri satatyn bolady.
Aýyl sharýashylyǵy jármeńkesinde óńirlerden azyq-túlik ónimderi tikeleı taýar óndirýshilerden deldalsyz usynylatyn bolady, dep atap ótti uıymdastyrýshylar. Aıta keteıik, shara barlyq sanıtarlyq normalardy saqtaı otyryp ótedi.