"Aqtóbe – adaldyq alańy" jobalyq keńsesiniń ókilderi aýrýhana – emhanalardyń pandemııanyń ekinshi tolqyny jaǵdaıyndaǵy daıyndyq barysyna monıtorıng jumystaryn júrgizdi, dep habarlaıdy Egemen.kz.
Jumys toby alǵashqy bolyp Aqtóbe medısına ortalyǵynda boldy. Medısına ortalyǵynyń qoımasyn kórip, dári – dármekter qorynyń jaǵdaıymen tanysty. Máselen, "SK – Farmasııa" eki aılyq qory esebinde satyp alǵan 37 túrli dárilerdiń barlyǵy búgingi kúni qaladaǵy aýrýhanalardyń qoımasynda bolýy qajet.
Alaıda monıtorıng barysynda medısına ortalyǵynyń qoımasynda 8 túrli dárilerdiń joqtyǵy anyqtaldy. Atap aıtsak, Seftazıdım, Imıpınem, Famotıdın, Magnııa sýlfat, Ibýprofen, Tosılızýmab, Hloropıramın, moksıfloksasın. Kelesi kezekte oblystyq ınfeksııalyq aýrýhanasynyń jaǵdaıymen tanysty. Atalmysh aýrýhananyń dáriler qoımasynda 37 ataýdyń 6 túri anyqtalmady. Naqtyraq aıtqanda, Nadroparın, Famotıdın, Dopamın, Amoksısıllın, Enoksaparın, Tosılızýmab. Úshinshi kezekte monıtorıng toby Aqtóbe oblystyq ftızıopýlmonologııa ortalyǵynda boldy. Bul jerdegi dárihana qoımasynda 37 ataýdyń 2 túri joq bolyp shyqty. Olar: Remdesıvır jáne Tosılızýmab preparattary.
Ekinshi jumys toby Qarǵaly qalalyq aýrýhanasynda monıtorıng jumystaryn jalǵastyrdy. Bul jerdegi dárihanada belgilengen tizimdegi dári – dármekterdiń 9 túri joq. Olar: Sefýroksım, Imıpenem-Sılastatın Nadroparın,Hloropıramın,Vankomısın,Deksmedetomıdın, Moksıfloksasın, Remdesıvır, Tosılızýmab.