Nur-Sultan qalasynda «EkoAsar» ekologııalyq marafonynyń qorytyndysy shyǵaryldy. Elordalyq oqýshylar men baldyrǵandar qaıyrymdylyq úshin 40 tonna qaıtalama shıkizat tapsyrdy.
О́KM operatory úsh aptanyń ishinde qatty turmystyq qaldyqtardy bólek jınaý taqyrybynda bilim berý mekemelerine 2 383 ekologııalyq sabaq uıymdastyrdy. Oǵan 140 myńnan astam bala qatysty. Mentorlar 2 148 eriktini ekologııalyq mádenıet negizinde qatty turmystyq qaldyqtardy durys suryptaý jáne qorshaǵan ortany qorǵaý boıynsha oqytty.
Sonymen qatar «EkoAsar» aıasynda mektepter men balabaq-
shalar qaldyqtardy qaıta óńdeýge tapsyrýǵa qatysty. Ekologııalyq ári qaıyrymdylyq marafonyna elordalyq 80 bilim berý mekemesi belsendi túrde atsalysty. Nátıjesinde jınalǵan 36 965 kılo qaıtalama shıkizattan 1 mln 33 myń teńge qarajat tústi.
Osy aqshaǵa az qamtylǵan otbasy balalaryna 6 noýtbýk satyp alyndy jáne qaraýsyz janýarlarǵa 1200 kılogramnan astam azyq jetkizildi. Sondaı-aq «EkoAsardy» qoldaǵan kompanııalar qosymsha 6 noýtbýk satyp aldy. Balalarǵa barlyǵy 12 dana kompıýterlik tehnıka tabystaldy.
Ekologııalyq aksııanyń qorytyndysy boıynsha qaıtalama shıkizat jınaýda úzdik nátıje kórsetken mektepter marapattaldy. Máselen, №54 mektep – 3 tonna 280 kılo, №85 mektep 3 tonna 172 kılo, №59 mektep 2 tonna 640 kılo qaptama qaldyǵyn qaıta óńdeýge tapsyrdy. Jeńimpaz mektepterge tamshylatyp sýarýdy uıymdastyrýǵa arnalǵan sertıfıkattar berildi.
Jobany О́KM operatory Nur-Sultan qalasynyń bilim basqarmasy men bilim berýdi jańǵyrtý ortalyǵy jáne «Jas Ulan» Respýblıkalyq qoǵamdyq birlestiginiń qoldaýymen uıymdastyrdy.
«EkoAsar» aksııasyna Clean city NC JShS, Eco-KZ JK, Smart Rubber JShS, «Resaıklıng TK» JShS qoldaý bildirdi. Igi bastamaǵa «Tehnodom» kompanııasy men Energy Partner JShS seriktes boldy.
«EkoAsar» ekologııalyq marafonynyń estafetasy Semeı qalasyna tabystaldy. Endi semeılik balabaqshalar men mektep jáne kolledj oqýshylary qaıta óńdeýge jaramdy qaldyqtardy jınaýdy bastaıdy. Shıkizatty tapsyrýdan túsken qarajatqa olar kózi nashar kóretin balalarǵa arnalǵan ınternatqa arnaıy jaryq jabdyǵyn satyp alýdy, sondaı-aq kóp balaly otbasylaryn azyq-túlikpen qoldaýdy josparlap otyr.