Balqash qalasynda 24 qazannan bastap birqatar shekteý sharalary engiziledi, dep habarlaıdy Egemen.kz.
Balqash qalasynyń aýmaǵynda koronavırýs ınfeksııasynyń tirkelý sanynyń ulǵaıýyna baılanysty 2020 jyl 24 qazanynyń saǵat 00.00-den bastap Balqash qalasynyń Bas memlekettik sanıtarlyq dárigeriniń 2020 jylǵy 23 qazandaǵy qaýlysymen shekteý is-sharalarynyń kúsheıtilýi engiziledi:
1. 65 jastan asqan adamdarǵa kóshege shyǵýdy shekteý.
2. Kámeletke tolmaǵan balalar eresekterdiń qaraýynsyz júrýine tyıym salynsyn.
3. Jappaı jınalatyn oryndarda: gúlzarlar, saıabaqtar, jaǵalaýlar men úılerdiń aýlasyndaǵy balalar oınaıtyn alańdary jabylsyn.
4. Zeınetkerler men múmkindigi shekteýli adamdarǵa kómek kórsetý boıynsha eriktilerdiń jumysyn jandandyrý (65 jastan asqan adamdarǵa azyq-túlik, dári-dármek jetkizýge, zeınetaqy alýǵa jáne t.b. kómek).
5. Buqaralyq aqparat quraldarynda eriktilerdiń telefondary, jetkizý qyzmetteri jarııalansyn.
6. О́nerkásiptik kásiporyndarǵa jumysshylardy jetkizetin qoǵamdyq kólikterdi qospaǵanda, qala boıynsha qoǵamdyq kólikterdiń qozǵalysyn shekteý;
7. Balqash stansııasyn, Qońyrat shaǵyn aýdanyn qosa alǵanda, qala aýmaǵynda saǵat 22.00-den 05.00-ge deıin jeke avtokóliktiń barlyq túrlerine tyıym salý.
8. Qoǵamdyq tamaqtaný nysandaryna jumys ýaqytyn saǵat 22.00-ge deıin shekteý.
9. Azyq-túlik saýda nysandaryna jumysyn ýaqytyn saǵat 22.00-ge deıin shekteý.
10. Qyzmet kórsetý salasyndaǵy nysandarǵa: shashtarazdar, sulýlyq salondar, monshalar, saýnalar. Qyzmet kórsetýdi aldyn-ala jazylý boıynsha qatań túrde júzege asyrý, dezınfeksııalyq is-sharalardy júrgizý, kelýshilerdiń ara-qashyqtyǵyn saqtaý.
11. Kásipkerlik sýbektilerge: nysandarǵa maskasyz jáne kataraldy belgileri bar (jótel, murynnyń aǵýy, temperatýra) kelýshilerdi kirgizbeý.
12. Táýlik boıy qalada polısııa bólimi men áskerı polısııa kúshterimen patrýldeýi uıymdastyrylsyn. 3 adamnan artyq adamdardyń jınalýyna jol bermeý.
13. Balqash qalasynyń aýmaǵynda ornalasqan áskerı bólimderi, onyń ishinde azamattyq personaly qashyqtyqtaǵy jumys rejımine (qyzmetkerlerdiń keminde 50% - y) kóshirilsin.